06 August 2020

News Flash

Eng vs WI : पावसाचा खोडा, तिसऱ्या दिवसाचा खेळ वाया

इंग्लंडच्या मनसुब्यांवर पावसाचं पाणी

वेस्ट इंडिजविरुद्ध कसोटी मालिकेत बरोबरी साधण्यासाठी इंग्लंडच्या संघाला प्रयत्नांची पराकाष्टा करावी लागणार आहे. मँचेस्टर कसोटीच्या दुसऱ्या दिवशी स्टोक्स आणि सिबलेच्या शतकांच्या जोरावर इंग्लंडने दुसऱ्या दिवसाच्या खेळात ४६९ धावांचा डोंगर उभारला. दुसऱ्या दिवसाच्या अखेरीस इंग्लंडने विंडीजची अवस्था १ बाद ३२ अशी केली होती. तिसऱ्या दिवशी विंडीजला झटपट गुंडाळण्याच्या तयारीत असलेल्या इंग्लंडच्या गोलंदाजांचा हिरमोड झाला. पावसाच्या संततधारेमुळे पंच आणि सामनाधिकाऱ्यांनी तिसऱ्या दिवसाचा खेळ रद्द केला. दिवसभर मँचेस्टरमध्ये पावसाने उसंत घेतली नव्हती, त्यामुळे पंचांनी खेळ रद्द करण्याचा निर्णय घेतला.

यजमान इंग्लंड संघ या मालिकेत ०-१ ने पिछाडीवर आहे. ४६९ धावांचा डोंगर उभा केल्यानंतर इंग्लंडकडे हा सामना जिंकण्याची चांगली संधी होती. परंतु पावसाने या सर्व मनसुब्यांवर पाणी फिरवलं आहे. दुसरीकडे विंडीजच्या खेळाडूंना ही कसोटी अनिर्णित राखण्याची संधी आहे. त्यामुळे चौथ्या दिवसाच्या खेळात वरुणराजा व्यत्यय आणतो की खेळाडू मैदानात उतरतात हे पाहणं महत्वाचं ठरणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 18, 2020 10:06 pm

Web Title: eng vs wi 2nd test manchester rain plays spoilsport as game canceled on day 3 psd 91
Next Stories
1 3 TC Solidarity Cup : एबी डिव्हीलियर्स चमकला, इगल्स संघाला सुवर्णपदक
2 Bio Security नियमांचा भंग केल्याप्रकरणी जोफ्रा आर्चरला दंड
3 खेळाडूंसाठी चार्टर्ड विमान, IPL संघमालकांची परदेशवारीसाठी तयारी सुरु
Just Now!
X