भारताच्या पुरुष हॉकी संघाला एफ आयएच जागतिक लीग उपांत्य फेरीपूर्वीच्या दुसऱ्या सराव सामन्यात यजमान बेल्जियमविरुद्ध १-२ असा पराभव पत्करावा लागला. या स्पध्रेला शनिवारपासून सुरुवात होत आहे. जागतिक क्रमवारीत चौथ्या स्थानावर असलेल्या बेल्जियमने १२व्या मिनिटाला पहिला गोल करून खाते उघडले, मात्र ३२व्या मिनिटाला आकाशदीप सिंगने मैदानी गोल करून सामना १-१ असा बरोबरीत आणला. या बरोबरीनंतर भारताने अधिक काळ चेंडूचा ताबा स्वत:कडे ठेवताना यजमानांवर दडपण निर्माण केले. ५२व्या मिनिटाला बेल्जियमने ही कोंडी फोडली आणि विजयी आघाडी घेतली. २-१ अशी आघाडी कायम राखत बेल्जियमने हा सामना जिंकला.
