News Flash

Video : सुपर यॉर्कर! सैनीने उडवला फलंदाजाचा भन्नाट त्रिफळा

काहीही कळण्याआधीच फलंदाज झाला बाद

भारतीय संघाने विराट कोहलीच्या नेतृत्वाखाली २०२० या वर्षाची सुरुवात मालिका विजयाने केली. श्रीलंकेविरुद्ध तिसऱ्या टी-२० सामन्यात भारतीय संघाने ७८ धावांनी बाजी मारली. या विजयासह भारताने ३ टी-२० सामन्यांची मालिका २-० ने जिंकली. नवीन वर्षातला भारतीय संघाचा हा पहिला मालिका विजय ठरला.

भारताचा वेगवान गोलंदाज नवदीप सैनी याने सामन्यात दमदार पराक्रम केला. त्याने २८ धावांमध्ये ३ गडी टिपले आणि भारताच्या विजयात मोलाची भूमिका बजावली. श्रीलंकेच्या फलंदाजीच्या वेळी कुशल परेरा खेळत होता. तो ७ धावांवर खेळत असताना नवदीप सैनीने त्याला एक वेगवान यॉर्कर टाकला. काहीही कळण्याआधी चेंडू थेट स्टंपवर आदळला आणि फलंदाज बाद झाला.

हा व्हिडीओ –

अशी रंगली ३ सामन्यांची मालिका

तीन सामन्यांच्या मालिकेतील पहिला सामना पावसामुळे वाया गेला. त्यानंतर दुसऱ्या सामन्यात भारताने ७ गडी राखून सहज विजय मिळवला. त्यानंतर तिसऱ्या सामन्यात भारताने प्रथम फलंदाजी करताना २०१ धावा केल्या. विजयासाठी दिलेले २०२ धावांचे आव्हान श्रीलंकेला पेलवले नाही. श्रीलंकेचा संघ १२३ धावांपर्यंत मजल मारु शकला. पाहुण्या संघाकडून धनंजय डी-सिल्वाने ५७ तर अँजलो मॅथ्यूजने ३१ धावा करत थोडा प्रतिकार केला, पण अखेर त्यांची झुंज अपयशी ठरली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 11, 2020 10:47 am

Web Title: india vs sri lanka navdeep saini superb yorker clean bowled kusal perera video watch vjb 91
Next Stories
1 युवा विश्वचषक क्रिकेट स्पर्धा : जायबंदी दिव्यांशच्या जागी सिद्धेशचा समावेश
2 खेलो इंडिया युवा क्रीडा स्पर्धा : जिम्नॅस्टिक्समध्ये महाराष्ट्राचे सोनेरी यश
3 कोहली, स्मिथ यांच्याप्रमाणे छाप पाडण्याचे ध्येय -लबूशेन
Just Now!
X