जो रूटने पाकिस्तानी गोलंदाजांवर जोरदार आक्रमण चढवत शानदार अर्धशतक झळकावले. त्यामुळे इंग्लंडने दुबईतील दुसऱ्या कसोटी सामन्याच्या दुसऱ्या दिवसअखेर ३ बाद १८२ धावा केल्या. २ बाद १४ अशा कठीण स्थितीतून कर्णधार अॅलिस्टर कुकने (६५) रूटच्या साथीने तिसऱ्या विकेटसाठी ११३ धावांची भागीदारी करून संघाचा डाव सावरला. खेळ थांबला, तेव्हा रूट ७६ आणि जॉन बेअरस्टो २७ धावांवर खेळत होते. रूटने ११८ चेंडूंत ९ चौकारांसह आपले १५वे अर्धशतक साकारले. त्याआधी पाकिस्तानचा पहिला डाव ३७८ धावांवर संपुष्टात आला.
