प्रो-कबड्डीचा सातवा हंगाम आता उत्तरार्धाकडे येऊन ठेपला आहे. १४ सप्टेंबरपासून पुणेरी पलटणच्या घरच्या मैदानावरील सामन्यांना सुरुवात होणार आहे. भारताचा अष्टपैलू क्रिकेटपटू केदार जाधवच्या हस्ते या हंगामाचा श्रीगणेशा होणार आहे. बालेवाडी येथील शिवछत्रपती स्पोर्ट्स कॉम्प्लेक्समध्ये हे सामने रंगणार आहेत. पुणेरी पलटण विरुद्ध गुजरात फॉर्च्युनजाएंट आणि तामिळ थलायवाज विरुद्ध हरयाणा स्टिलर्स या सामन्यांना केदार जाधव हजर असणार आहे. यंदाच्या हंगामात पुणेरी पलटणला आपल्या लौकिकाला साजेशी कामगिरी करता आलेली नाही. सध्या गुणतालिकेत पुणेरी पलटणचा संघ दहाव्या स्थानावर आहे.