News Flash

KKRचे वरुण चक्रवर्ती आणि संदीप वॉरियर चेन्नईला परतले

IPL २०२१मध्ये दोघे आढळले होते करोना पॉझिटिव्ह

संदीप वॉरियर आणि वरुण चक्रवर्ती

कोलकाता नाइट रायडर्सचे (केकेआर) गोलंदाज वरुण चक्रवर्ती आणि संदीप वॉरियर अहमदाबादमधील क्वारंटाइन कालावधीनंतर चेन्नईला परतले आहेत. हे दोघे आयपीएलचा १४वा हंगाम सुरू असताना करोना पॉझिटिव्ह आढळले होते. त्यानंतर हे दोघे अहमदाबादमध्ये आयसोलेशनमध्ये होते.

करोनाने बायो बबलला भेदल्यामुळे आयपीएलचा यंदाचा हंगाम बीसीसीआयने अनिश्चित काळासाठी स्थगित केला. वरुण आणि संदीपनंतर दिल्ली कॅपिटल्स, चेन्नई सुपर किंग्ज आणि सनरायझर्स हैदराबाद या संघातही करोना पसरला. केकेआरचे टिम सेफर्ट आणि वेगवान गोलंदाज प्रसिध कृष्णा यांनाही करोनाची लागण झाली.

टिम सेफर्टवर चेन्नई येथे उपचार असून असून याच हॉस्पिटलमध्ये चेन्नई सुपर किंग्जचा फलंदाज प्रशिक्षक मायकेल हसीही उपचार घेत आहे. तर प्रसिध कृष्णा बंगळुरू येथे होम आयसोलेशनमध्ये आहे.

टीम इंडियाला न्यूझीलंडविरुद्ध जागतिक कसोटी अजिंक्यपद स्पर्धेचा अंतिम सामना खेळायचा आहे, शिवाय त्यांना इंग्लंडविरुद्ध कसोटी मालिका खेळायची आहे. या दौऱ्यासाठी प्रसिध कृष्णाचा भारतीय कसोटी संघात स्टँडबाय खेळाडू म्हणून समावेश करण्यात आला आहे.

करोना विषाणूमुळे आयपीएलचा १४वा हंगाम पुढे ढकलण्यात आला. अनेक खेळाडू आणि सहाय्यक कर्मचारी पॉझिटिव्ह आढळल्यानंतर, बीसीसीआयने आयपीएलचे आयोजन थांबवण्याचा निर्णय घेतला. दिल्ली कॅपिटल्सचा अनुभवी फिरकीपटू अमित मिश्रा आणि सनरायझर्स हैदराबादचा यष्टीरक्षक फलंदाज वृध्दिमान साहा करोना पॉझिटिव्ह आढळले आणि त्यानंतर आयपीएल रद्द करण्याचा निर्णय घेण्यात आला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 10, 2021 5:41 pm

Web Title: kkrs varun chakravarthy and sandeep warrier returned to chennai after completing quarantine adn 96
Next Stories
1 IPLमध्ये भाग घेतलेले विंडीजचे खेळाडू सुखरूप घरी पोहोचले
2 “माझ्याशी लग्न करशील?”, राजस्थान रॉयल्सच्या राहुल तेवतियाने सर्वांसमोर केले प्रपोज!
3 “भारत ही एक अशी जागा आहे, जिथे…”, मुंबई इंडियन्सच्या ट्रेंट बोल्टची पोस्ट व्हायरल
Just Now!
X