लंडन : वाहन चालवताना मोबाइलद्वारे संभाषण केल्यामुळे लिव्हरपूल क्लबकडून खेळणारा इजिप्तचा फुटबॉलपटू महम्मद सलाह अडचणीत सापडला आहे. लिव्हरपूल क्लबकडूनच याबाबतचे चित्रीकरण समाज माध्यमांवर प्रसारित झाल्यानंतर पोलिसांकडून त्याची चौकशी केली जाणार आहे. सलाह तसेच क्लबच्या वरिष्ठ अधिकाऱ्यांशी चर्चा केल्यानंतरच त्याबाबत नियमानुसार कारवाई केली जाईल, असे पोलिसांकडून सांगण्यात आले. त्याच्यावर साधारणपणे एक हजार युरोच्या दंडाची कारवाई होण्याची शक्यता आहे. तसेच त्याच्या वाहन परवान्यावर या गुन्ह्य़ाबाबत नोंद केली जाणार आहे.
