मुंबई : पगवारा (पंजाब) येथे २० आणि २१ फेब्रुवारी रोजी होणाऱ्या वरिष्ठ राष्ट्रीय ग्रीको-रोमन कुस्ती अजिंक्यपद स्पर्धेसाठी महाराष्ट्राचा संघ शनिवारी जाहीर करण्यात आला. कात्रज येथील मामासाहेब मोहोळ केंद्रात झालेल्या निवड चाचणी स्पर्धेत महाराष्ट्राचा संघ निवडण्यात आला, अशी माहिती महाराष्ट्र राज्य कुस्तीगीर परिषदेचे सरचिटणीस बाळासाहेब लांडगे यांनी दिली. ’ महाराष्ट्राचा संघ : अभिजित पाटील (५५ किलो), सद्दाम शेख (६० किलो), गोविंद यादव (६३ किलो), प्रीतम खोत (६७ किलो), समीर पाटील (७२ किलो), शिवाजी पाटील (७७ किलो), तानाजी वीरकर (८२ किलो), अमोल मुंढे (८७ किलो), शैलेश शेळके (९७ किलो), हर्षवर्धन सदगीर (१३० किलो)