News Flash

Pulwama Terror Attack : पाकिस्तानचा उल्लेख का नाही? सानिया मिर्झा झाली ट्रोल

सानिया मिर्झाने पुलवामा हल्ल्यानंतर आपल्या ट्विटर अकाऊंटवर एक संदेश लिहिला होता..

पुलवामा सेक्टरमध्ये ‘जैश-ए-मोहम्मद’च्या दहशतवाद्यांनी केंद्रीय राखीव पोलिस दलाच्या (CRPF) पथकावर केलेल्या हल्ल्यात ४० जवान शहीद झाले. या हल्ल्यानंतर देशभरातून पाकिस्तान विरोधात संतापाची लाट उसळली. अनेक सामाजिक संस्था, सेलिब्रिटी, खेळाडू यांनी आपापल्या परीने या हल्ल्यात शहीद झालेल्या जवानांच्या कुटुंबाला आर्थिक व इतर मदत करण्याची जबाबदारी उचलली आहे. तसेच हल्ल्याचा निषेध केला आहे.

या साऱ्या गोष्टींमध्ये पाकिस्तानचा माजी कर्णधार शोएब मलिक याची पत्नी आणि भारतीय टेनिसपटू सानिया मिर्झा ही काय मत व्यक्त करते असा प्रश्न विचारला जात होता. त्यानुसार सानिया मिर्झाने पुलवामा हल्ल्यानंतर या घटनेबाबत आपल्या ट्विटर अकाऊंटवर एक संदेश लिहिला.

माझ्या भावना व्यक्त करण्यासाठी किंवा निषेधासाठी मला सोशल मीडियाची गरज नाही, अशी पोस्ट तिने केली होती. मात्र या नंतरही तिला ट्रोल करण्यात आले आहे. याचे कारण म्हणजे तिच्या निषेधाच्या पत्रात कुठेही पाकिस्तानचा उल्लेख नाही. अनेकांनी तिला यावरून पुन्हा सवाल केले.

दरम्यान, या आधीदेखील भारत आणि पाकिस्तान यांच्यातील अनेक मुद्द्यावरून सानिया मिर्झा ट्रोल झाली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 18, 2019 2:10 pm

Web Title: pulwama terror attack why pakistan word not used in tribute letter twitter users asks sania mirza
Next Stories
1 फुटबॉल विश्वचषकासाठी भारताच्या क्रिकेट संघाला विशेष आमंत्रण
2 Pulwama Terror Attack : ‘पाकिस्तानशी वर्ल्ड कपमध्येही क्रिकेट खेळू नका’
3 २०१९ च्या विश्वचषकानंतर ख्रिस गेल होणार ODI मधून निवृत्त
Just Now!
X