04 June 2020

News Flash

रणजी करंडक क्रिकेट स्पर्धा : महाराष्ट्रापुढे आघाडी मिळवण्याचे आव्हान

प्रत्युत्तरात छत्तीसगडने पहिल्या २५ धावांत सलामीवीरांना गमावले.

हरप्रीत सिंग ५९* चेंडू  १०७ चौकार  ८ षटकार  १

छत्तीसगडची ३ बाद १३१ धावांपर्यंत मजल; अद्याप १५८ धावांनी पिछाडीवर

पुणे : कर्णधार हरप्रीत सिंग (खेळत आहे ५९) आणि आशुतोष सिंग (३४) यांनी केलेल्या संयमी फलंदाजीमुळे छत्तीसगडने रणजी करंडक क्रिकेट स्पर्धेतील महाराष्ट्राविरुद्धच्या ‘क’ गटातील सामन्यात दुसऱ्या दिवसअखेर ३ बाद १३१ धावा केल्या आहेत. छत्तीसगडला पहिल्या डावात आघाडी घेण्यापासून रोखण्यासाठी महाराष्ट्राला पुढील १५८ धावांत त्यांचे सर्व फलंदाज बाद करणे आवश्यक आहे.

गहुंजे येथील महाराष्ट्र क्रिकेट संघटनेच्या स्टेडियमवर सुरू असलेल्या या सामन्यात बुधवारच्या ६ बाद २३८ धावांवरून पुढे खेळताना महाराष्ट्राचा पहिला डाव २८९ धावांत आटोपला. शतकवीर ऋतुराज गायकवाड (१०८) व्यतिरिक्त विशांत मोरे (५३) आणि सत्यजित बच्छाव (३५) यांनी महाराष्ट्रासाठी उपयुक्त योगदान दिले.

प्रत्युत्तरात छत्तीसगडने पहिल्या २५ धावांत सलामीवीरांना गमावले. मात्र आशुतोष आणि हरप्रीत यांनी ८० धावांची भागीदारी रचून संघाला सावरले. आशुतोष बाद झाल्यानंतर अमनदीप खरेच्या (खेळत आहे ९) साथीने हरप्रीतने उर्वरित दिवस खेळून काढला. अनुपम संकलेचा, मुकेश चौधरी आणि चिराग खुराना यांनी प्रत्येकी एक बळी मिळवला आहे.

 

संक्षिप्त धावफलक

’ महाराष्ट्र (पहिला डाव) : ९५.४ षटकांत सर्व बाद २८९ (ऋतुराज गायकवाड १०८, विशांत मोरे ५३; वीर प्रताप सिंग ५/८०)

’ छत्तीसगड (पहिला डाव) : ४७ षटकांत ३ बाद १३१ (हरप्रीत सिंग खेळत आहे ५९, आशुतोष सिंग ३४; चिराग खुराना १/१८)

 

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 27, 2019 12:03 am

Web Title: ranji trophy 2019 20 chhattisgarh lost three wickets for 131 against maharashtra
Next Stories
1 देवांग गांधी यांना ड्रेसिंगरूममध्ये अनधिकृत प्रवेश भोवला
2 भारत-पाकिस्तानचे खेळाडू एकत्रित खेळणार नाहीत -बीसीसीआय
3 मुंबई जिल्हा कबड्डी स्पर्धा : एअर इंडिया, बँक ऑफ बडोदा अजिंक्य
Just Now!
X