07 March 2021

News Flash

विजय चालिसा

सानिया-मार्टिनाला जेतेपद; सलग ४० लढतींमध्ये अपराजित

| February 15, 2016 03:43 am

सानिया-मार्टिनाला जेतेपद; सलग ४० लढतींमध्ये अपराजित
एकत्र खेळताना अद्भुत सूर गवसलेल्या सानिया मिर्झा आणि मार्टिना हिंगिस जोडीने सेंट पीटर्सबर्ग स्पर्धेच्या जेतेपदावर कब्जा केला. या विजयासह या जोडीने सलग ४० लढतीत अपराजित राहण्याची किमयाही साधली. एकत्र खेळायला सुरुवात केल्यापासूनचे या जोडीचे हे १३वे तर नव्या हंगामातील चौथे जेतेपद आहे. जागतिक क्रमवारीत अव्वल स्थानी असलेल्या आणि अव्वल मानांकित सानिया-मार्टिना जोडीने व्हेरा दुश्नेव्हिना आणि बाबरेरा क्रेजेसिकोव्हा जोडीवर ६-३, ६-१ असा विजय मिळवला.
यंदाच्या वर्षांत ब्रिस्बेन आणि सिडनी स्पर्धेचे जेतेपद नावावर करणाऱ्या सानिया-मार्टिना जोडीने वर्षांतील पहिल्यावहिल्या ग्रँड स्लॅम अर्थात ऑस्ट्रेलियन खुल्या स्पर्धेत सातत्यपूर्ण कामगिरीसह जेतेपदाची कमाई केली. गेल्या वर्षी फ्रेंच खुल्या स्पर्धेत उपांत्यपूर्व फेरीत झालेल्या पराभवानंतर सानिया-मार्टिना जोडीने विम्बल्डन आणि अमेरिकन खुली स्पर्धा या ग्रँड स्लॅम जेतेपदांसह गुआंगझाऊ, वुहान, बीजिंग, डब्ल्यूटीए फायनल्स, सिंगापूर या स्पर्धाची जेतेपदे पटकावली आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 15, 2016 3:43 am

Web Title: sania hingis win 13th title stretch winning run to 40
टॅग : Sania Mirza
Next Stories
1 आनंदकडून अरोनियन पराभूत
2 महिंद्राचे निर्विवाद वर्चस्व
3 कॅरेबियन युवाशक्तीचा करिश्मा!
Just Now!
X