केंद्रीय क्रीडा मंत्री राज्यवर्धन राठोड आणि बॉक्सिंगपटू मेरी कोम यांच्या बॉक्सिंगचा एक व्हिडीओ सध्या सोशल मीडियावर व्हायरल होतो आहे. या व्हिडीओत पाचवेळा जग्गजेता असा किताब मिळवणारी मेरी कोम आणि राज्यवर्धन राठोड बॉक्सिंग करत होते. थोडीशी गंमत म्हणूनच या दोघांमध्ये हा खेळ रंगला. दिल्लीच्या इंदिरा गांधी स्टेडियमध्ये या दोघांमध्ये फ्रेंडली बॉक्सिंग झाले. राज्यवर्धन राठोड मेरी कोमच्या पंचपासून वाचण्याचा प्रयत्न करताना दिसत होते. तिचा पंच चुकवण्याचा प्रयत्न करताना दिसत होते आणि मेरी कोम त्यांना पंच मारण्याची संधी शोधत होती. सोशल मीडियावर हा व्हिडीओ चांगलाच व्हायरल होतो आहे. एएनआय या वृत्तसंस्थेनेही हा व्हिडीओ पोस्ट केला आहे. #WATCH: Sports Minister Rajyavardhan Singh Rathore in a friendly boxing bout with boxing champion Mary Kom at Indira Gandhi Stadium in Delhi. pic.twitter.com/NXRaxqAkPQ — ANI (@ANI) November 1, 2018 मेरी कोम ही भारतातील प्रसिद्ध बॉक्सिंगपटू आहे. तिच्या आयुष्यावर सिनेमाही आला होता. ज्यात अभिनेत्री प्रियांका चोप्राने मेरी कोमची व्यक्तीरेखा साकारली होती. सध्या मेरी कोम ३५ वर्षांची आहे. वरिष्ठ खेळाडूंमध्ये सुवर्ण पदकांची कमाई करणारी ती एकमेव बॉक्सिंगपटू आहे. २०२० च्या ऑलिम्पिकपर्यंत मी खेळणारच असे तिने जाहीर केले आहे. तिचा आणि राज्यवर्धन राठोड यांचा व्हिडीओ, त्यांच्यातले फ्रेंडली बॉक्सिंग हे सध्या सोशल मीडियावर चांगलेच व्हायरल होते आहे. अत्यंत खेळीमेळीच्या वातावरणातला हा व्हिडीओ आहे.