श्रीलंकेने पाचव्या आणि अखेरच्या सामन्यात इंग्लंडवर सहा विकेट राखून मात करीत पाच एकदिवसीय सामन्यांच्या मालिकेवर ३-२ असे प्रभुत्व मिळवले. लसिथ मलिंगाच्या (५० धावांत ३ बळी) वेगवान माऱ्याच्या बळावर श्रीलंकेने इंग्लंडचा डाव फक्त २१९ धावांत गुंडाळला. मग श्रीलंकेची ३ बाद ६२ अशी अवस्था झाली होती. परंतु महेला जयवर्धने (५३), लाहिरू थिरिमाने (नाबाद ६०) आणि कप्तान अँजेलो मॅथ्यूजच्या (नाबद ४२) फलंदाजीच्या बळावर श्रीलंकेने १० चेंडू राखून आपला विजय साजरा केला.
