मुंबईकर तन्वी लाडने अखिल भारतीय वरिष्ठ मानांकन बॅडमिंटन स्पर्धेतील उपांत्य फेरीच्या संघर्षपूर्ण लढतीत नागपूरच्या अरुंधती पनतावणेवर २१-१३, २०-२२, २१-१६ अशी मात केली. उपांत्य फेरीच्या दुसऱ्या लढतीत रितुपर्णा दासने पुण्याच्या अनुभवी सायली गोखलेवर २१-१७, २२-२० असा विजय मिळवला. पुरुषांमध्ये अव्वल मानांकित सौरभ वर्माने लहान भाऊ समीर वर्माचा २१-१६, २१-१५ पराभव करत अंतिम फेरीत धडक मारली. अक्षय देवलकर-प्रणव चोप्रा जोडीने सनावे थॉमस व रुपेश कुमार या अनुभवी जोडीवर २१-१६, २१-१७ असा विजय मिळवत अंतिम फेरी गाठली. महिला दुहेरीत प्राजक्ता सावंतने अराथी सारा सुनील जोडीने वर्षां बालेवाडी- निश्चिता जी.एम जोडीला २१-११, २१-१२ असे नमवत अंतिम फेरीत स्थान पटकावले.
