24 September 2020

News Flash

Wimbledon 2018 : …म्हणून जोकोव्हिच खेळत बसला होता गोट्या

Wimbledon 2018 : ड्रेसिंग रूममध्ये जोकोव्हिचने सरळ गोट्या खेळायला सुरुवात केली.

Wimbledon 2018 : सर्बियाचा स्टार टेनिसपटू नोव्हाक जोकोव्हिच आणि स्पेनचा राफेल नदाल या दोघांमध्ये विम्बल्डनचा दुसरा उपांत्य फेरीचा सामना खेळण्यात येणार होता. पहिला उपांत्य सामना संपला की हा सामना सुरु करण्यात येणार होता. मात्र केव्हिन अँडरसन आणि जॉन इस्नरला अँडरसन यांच्यात झालेला पहिला उपांत्य सामना हा तब्बल ६ तास ३६ मिनिटे लांबला. त्यामुळे नदाल आणि जोकोव्हिच दोघांना आपल्या सामन्याची वाट पाहावी लागली.

पहिला सामना संपल्यानंतर त्याच कोर्टवर दुसरा उपांत्य सामना खेळवण्यात येणार होता. हा सामना संपण्याची वाट पाहत बसलेल्या जोकोव्हिचने ड्रेसिंग रूममध्येच वेळ घालवण्याचे साधन शोधले. त्याने चक्क मधल्या वेळेत ड्रेसिंग रूममध्ये गोट्यांचा डाव मांडला आणि गोट्या खेळायला सुरुवात केली. जोकोव्हिचने स्वतः याबद्दल ही पोस्ट इंस्टाग्रामच्या स्टोरी प्रकारात पोस्ट केली होती. या स्टोरीमध्ये त्याने ‘मी सामन्याची वाट पाहत असताना गोट्या खेळत आहे’, असे लिहिले आहे.

दरम्यान,पहिला सामना आतापर्यंतच्या इतिहासातील सर्वाधिक वेळ चालणारा उपांत्य सामना ठरला. या सामन्यात केव्हिन अँडरसन याने जॉन इस्नरला नमवून प्रथमच अंतिम फेरीमध्ये धडक दिली. अँडरसनने ७-६, ६-५, ६-७, ६-४, २६-२४ अशा फरकाने त्याला पराभूत केले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 14, 2018 7:01 pm

Web Title: wimbledon 2018 novak djokovic rafael nadal anderson marbles timepass
Next Stories
1 सुवर्णकन्या हिमा दासला मिळणार ‘हा’ बहुमान…
2 जाणून घ्या श्रीलंका विरुद्ध दक्षिण आफ्रिका कसोटीत नोंदवले गेलेले ११ विक्रम
3 Thailand Open Badminton – पी. व्ही. सिंधू अंतिम फेरीत, इंडोनेशियाच्या ग्रेगोरियावर मात
Just Now!
X