News Flash

ग्रीसला नामोहरम करण्यात जपान अपयशी

नातालमध्ये जपान आणि दहा सदस्यीय ग्रीस यांच्यातील लढत गोलशून्य बरोबरी सुटल्यामुळे कोलंबियाला २४ वर्षांनंतर प्रथमच फिफा विश्वचषकातील दुसऱ्या फेरीचा मार्ग मोकळा झाला.

| June 21, 2014 06:10 am

ग्रीसला नामोहरम करण्यात जपान अपयशी

नातालमध्ये जपान आणि दहा सदस्यीय ग्रीस यांच्यातील लढत गोलशून्य बरोबरी सुटल्यामुळे कोलंबियाला २४ वर्षांनंतर प्रथमच फिफा विश्वचषकातील दुसऱ्या फेरीचा मार्ग मोकळा झाला.
ग्रीसचा कर्णधार कोन्स्टान्टीनस  कॅट्सॉरानीसला दुसऱ्यांदा ताकीद मिळाल्यामुळे ३८व्या मिनिटाला मैदानाबाहेर जावे लागले. तरीही जपानला याचा फायदा उठवण्यात अपयश आले. ‘क’ गटातील जपान आणि ग्रीसचे आता प्रत्येकी एकेक सामने शिल्लक असून, अजूनही त्यांना दुसऱ्या फेरीची आशा राखता येऊ शकते. ग्रीसचा अखेरचा सामना आयव्हरी कोस्टशी होणार आहे. आयव्हरीच्या खात्यावर तीन गुण जमा आहेत. याचप्रमाणे जपान कोलंबियाशी भिडणार आहे. कोलंबियाने सहा गुणांसह आपले बाद फेरीतील स्थान पक्के केले आहे.
जपानचे प्रशिक्षक अल्बटरे झ्ॉचेरोनी यांनी आघाडीवीर शिंजी कागावाला आयव्हरी कोस्टविरुद्धच्या खराब कामगिरीमुळे संघात स्थान दिले नाही. यंदाच्या हंगामात मँचेस्टर युनायटेडकडूनही त्याला आपला प्रभाव पाडता आला नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 21, 2014 6:10 am

Web Title: world cup 2014 greece and japan play to a 0 0 draw
Next Stories
1 नायजेरियाची बोस्नियाशी लढत
2 अर्जेटिनाची इराणवर स्वारी
3 क्रीडा की कामक्रीडा?
Just Now!
X