नीरज चोप्राने केले पाकिस्तानच्या खेळाडूचे अभिनंदन! आनंद महिंद्रा म्हणाले,”दोघांनाही…”

पाकिस्तानच्या अर्शद नदीमने आपल्या देशासाठी भालाफेकमध्ये सुवर्णपदक जिंकले. अर्शदने ९१.१८ मीटर अंतरावर भालाफेकून भारताच्या नीरज चोप्राचा विक्रमही मोडला. सुवर्णपदक जिंकल्यानंतर अर्शद नदीमने सोशल मीडियावर पोस्ट केली. “अल्लाह आणि तुमच्या सर्वांच्या आशीर्वादाने २०२२ राष्ट्रकुल स्पर्धेत ९१.१८ मीटरसह भालाफेक करून सुवर्ण मिळवले,” असे कॅप्शन देऊन त्याने आपला व्हिडिओ इन्स्टाग्रामवर पोस्ट केला आहे. अर्शदच्या पोस्टवर भारताचा ऑलिंपिक पदक विजेता भालाफेकपटू नीरज चोप्राने कमेंट केली आहे. “अभिनंदन अर्शद भाई. सुवर्णपदक आणि ९० मीटर अंतर पार करून विक्रम केला. पुढील स्पर्धेसाठी शुभेच्छा,” अशी कमेंट नीरजने केली आहे.

आणखी वाचा

PAK vs ENG : पाकिस्तानच्या खेळाडूमध्ये संचारला ‘सुपरमॅन’, हवेत उडी मारत एका हाताने टिपला उत्कृष्ट झेल, पाहा VIDEO

१० ऑक्टोबर पंचांग: गुरुची वक्री चाल तर महागौरी…

Arundhati Reddy : टीम इंडियाला मोठा धक्का! आयसीसीने ‘या’ स्टार खेळाडूवर केली मोठी कारवाई

Harmanpreet Kaur : पाकिस्तानविरुद्धच्या सामन्यात हरमनप्रीत कौरच्या मानेला गंभीर दुखापत, VIDEO व्हायरल

Rashid Khan: राशिद खानबरोबर एकाच मांडवात तीन भावांचं लग्न, अफगाणिस्तानला दिलेलं वचन विसरल्याने चाहते नाराज; काय आहे कारण?

‘पाकिस्तान भारताकडून हरला की मॅच फिक्सिंगचे आरोप व्हायचे…’, पाकिस्तानच्या माजी खेळाडूचे मोठे वक्तव्य

IND vs BAN : “वो जाहिल लोग है, उनको…”, भारताच्या विजयानंतर बासित अलीने पाकिस्तान क्रिकेट बोर्डाला फटकारले

IND vs BAN: “अन्यथा भारताचीही पाकिस्तानसारखी स्थिती होऊ शकते…”, सुनील गावसकरांचा मालिकेपूर्वी टीम इंडियाला इशारा

नीरजची ही कमेंट सोशल मीडियावर व्हायरल झाली आहे. सोशल मीडियावरील घडामोडींकडे उद्योगपती आनंद महिंद्रांचे बारीक लक्ष असते. नीरज आणि नदीम यांची गोष्टही त्यांच्यापर्यंत पोहचली. महिंद्रांना भारत आणि पाकिस्तानच्या खेळाडूंचे फार कौतुक वाटले. त्यांनी दोघांसाठी एक खास ट्वीट केले आहे. त्यांनी नीरजच्या कमेंटचा स्क्रीनशॉट शेअर केला आहे. त्यासोबत त्यांनी लिहिले की, ‘स्पर्धा आणि शत्रुत्व यातील योग्य फरक दाखवून देण्यासाठी या दोन्ही खेळाडूंना सुवर्णपदक दिले पाहिजे.’

हेही वाचा – CWG 2022: पाकिस्तानच्या भालाफेकपटूने मोडला नीरज चोप्राचा विक्रम; नीरज म्हणाला, “अर्शद भाई…”

दरम्यान, जागतिक अॅथलेटिक्स अजिंक्यपद स्पर्धेदरम्यान नीरज चोप्रा दुखापतग्रस्त झाला होता. त्यामुळे राष्ट्रकुल स्पर्धेत त्याला सहभागी होता आले नाही. या मोठ्या स्पर्धेतून बाहेर पडल्यानंतर नीरज चोप्रा निराश झाला होता. त्याने चाहत्यांची माफीही मागितली होती. नीरज सहभागी न होऊ शकलेल्या स्पर्धेतच पाकिस्तानच्या इर्शाद नदीमने सुवर्णपदक पटकावले आहे.