Ind vs Pak : भारताच्या अडचणींमध्ये भर, भुवनेश्वर कुमार दुखापतीमुळे मैदानाबाहेर - Marathi News | Cricket World Cup 2019 Ind Vs Pak Bhuvaneshwar Kumar Out Of Game Due To Hamstring Injury Psd 91

भुवनेश्वरचे पायाचे स्नायू दुखावले

२०१९ विश्वचषक स्पर्धेत भारतीय संघासमोरची संकट काही केल्या कमी होण्याची चिन्ह दिसत नाहीयेत. ऑस्ट्रेलियाविरुद्ध सामन्यात अंगठ्याला झालेल्या दुखापतीमुळे सलामीवीर शिखर धवन १०-१२ दिवसांसाठी संघाबाहेर गेला आहे. त्यातच पाकिस्तानविरुद्ध सामन्यात भारताचा जलदगती गोलंदाज भुवनेश्वर कुमारला दुखापत झालेली आहे.

भारताकडून पाचवे षटक टाकत असताना भुवनेश्वरने ४ चेंडू टाकले. चौथ्या चेंडूदरम्यान आपल्याला त्रास होत असल्याचं भुवनेश्वरला जाणवलं, त्यानंतर भुवनेश्वर थेट मैदानाबाहेर गेला. त्याचे स्नायू दुखावल्याची माहिती समोर येते आहे, त्यामुळे भुवनेश्वर कुमारने पाकिस्तानविरुद्ध उर्वरित सामन्यात मैदानात न उतरण्याचा निर्णय घेतला आहे.

Bhuvneshwar Kumar will not return to the field in this match. He has tightness in his left hamstring.https://t.co/n0eD4zAHyQ #INDvPAK #CWC19 pic.twitter.com/T96W8RnFvo
— ESPNcricinfo (@ESPNcricinfo) June 16, 2019

दरम्यान भुवनेश्वर कुमार माघारी परतल्यानंतर विजय शंकरने उरलेलं षटक पूर्ण केलं. यावेळी पहिलाच चेंडू टाकताना शंकरने इमाम उल-हकला पायचीत करत पाकिस्तानला पहिला धक्का दिला.

First published on: 16-06-2019 at 21:08 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Cricket world cup 2019 ind vs pak bhuvaneshwar kumar out of game due to hamstring injury psd