scorecardresearch

Premium

Cyclone Michuang : ‘माझ्या दुसऱ्या घरात पूर…’, सीएसकेसाठी खेळणाऱ्या श्रीलंकेच्या खेळाडूने चेन्नईतील परिस्थितीवर व्यक्त केली चिंता

Cyclone Michuang Updates : श्रीलंकेच्या फिरकीपटूने मिचॉन्ग चक्रीवादळामुळे चेन्नईमध्ये आलेल्या पुराबाबत एक पोस्ट केली आहे. यामध्ये त्यांनी चेन्नईच्या लोकांसाठी प्रार्थना केली आहे. तो आयपीएल स्पर्धेत सीएसके संघासाठी खेळतो.

Michuang cyclone in chennai Updates in marathi
महिश तीक्षानाने चेन्नईसाठी व्यक्त केली चिंता (फोटो-लोकसत्ता ग्राफिक्स टीम)

Mahish Teekshana shared a video and prayed for Chennai : ‘मिचॉन्ग’ या चक्रीवादळामुळे चेन्नईत मोठा विध्वंस झाला आहे. या वादळामुळे शहरात बराच वेळ मुसळधार पाऊस झाला असून पुरासारखी परिस्थिती निर्माण झाली. अनेक ठिकाणी पाणी साचले असून काही ठिकाणी पाण्याच्या प्रवाहासोबत वाहनेही वाहून गेली आहेत. या चक्रीवादळाच्या प्रभावाचे व्हिडीओ सोशल मीडियावर पाहायला मिळत आहेत. असाच एक व्हिडीओ सीएसके आणि श्रीलंकेचा फिरकीपटू महिश तीक्षानाने शेअर केला आहे. हा व्हिडीओ शेअर करताना त्याने चेन्नईतील परिस्थितीवर चिंता व्यक्त केली आहे. त्याने या शहराचा आपले दुसरे घर म्हणूनही उल्लेख केला आहे.

बंगालच्या उपसागरात मिचॉन्ग या चक्रीवादळामुळे तामिळनाडूच्या अनेक भागात पाऊस पडत आहे. वादळाच्या आगमनामुळे चेन्नई आणि परिसरात जोरदार पाऊस पडत आहे. येथील जनजीवन अस्ताव्यस्त झाले आहे. पावसामुळे चेन्नईचे रस्ते तसेच विमानतळावर पाणी साचले आहे. पावसामुळे चेन्नईत पूरसदृश परिस्थिती निर्माण झाली आहे. अनेक भागातील परिस्थिती अशी आहे की, रस्त्यांव्यतिरिक्त लोकांच्या घरातही पाणी शिरले आहे. घरांमध्ये पाणी शिरल्याने एनडीआरएफची टीम बचावकार्यात गुंतली आहे.

Manoj Tiwary vs MS DHoni
“माझ्याकडे गमावण्यासाठी काही नाही, त्यामुळे मी धोनीला विचारेन…”, निवृत्तीनंतर मनोज तिवारीने व्यक्त केली खंत
Shahrukh Khan Qatar PM
“मोदींनी नव्हे, कतारमधील भारतीयांना शाहरुखने सोडवलं”, भाजपा नेत्याचा दावा; किंग खानच्या कार्यालयाने केला खुलासा
A woman saree stuck in the wheel of a two-wheeler a cleaning worker help them Uncle's humanity won everyone's heart Viral Video
दुचाकीच्या चाकात अडकला महिलेचा पदर, सफाई कर्मचाऱ्याने केली मदत; काकांच्या माणुसकीने जिंकले सर्वांचे मन!
IND vs ENG test series Updates in marathi
IND vs ENG Series : पुनरागमन करण्यासाठी भारताला स्वीप आणि रिव्हर्स स्वीपसारख्या फटक्यांचा उपाय शोधण्याची गरज

महिश तीक्षानाने एक्सवर व्हिडीओ शेअर करताना लिहले, ‘मी नुकतेच माझे दुसरे घर चेन्नईशी संबंधित काही फुटेज पाहिले. या वादळामुळे प्रभावित झालेल्या सर्वांसाठी मी माझे प्रेम आणि प्रार्थना पाठवत आहे. सुरक्षित रहा आणि मजबूत रहा. या परिस्थितीत आपण सर्व सोबत आहोत.’

हेही वाचा – IPL 2024 : आरसीबीच्या निर्णयावर ब्रॅड हॉगने उपस्थित केला प्रश्न; म्हणाला, ‘या’ खेळाडूला खरेदी करून केली मोठी चूक

तीक्षाना गेल्या दोन हंगामांपासून सीएसकेचा संघाचा सदस्य –

आयपीएल २०२४ मध्येही महिश तीक्षाना चेन्नई सुपर किंग्जच्या जर्सीत दिसणार आहे. फ्रँचायझीने त्याला कायम ठेवले आहे. आयपीएल २०२२ च्या आधी झालेल्या मेगा लिलावात सीएसकेने महिष तिक्षानाला आपल्या संघात सामील करुन घेतले होते. त्यानंतर सीएसकेने लिलावात श्रीलंकेच्या या फिरकीपटूवर ७० लाख रुपये खर्च केले होते. आयपीएल २०२२ मध्ये, तीक्षानाने 9 सामन्यात १२ विकेट घेत चांगली कामगिरी केली होती. मात्र, आयपीएल २०२३ मध्ये त्याची कामगिरी साधारण होती. गेल्या मोसमात त्याने १२ सामन्यांत ११ बळी घेतले होते.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Csk player mahish teekshana shared a video and prayed for the people after cyclone michuang hit chennai vbm

First published on: 04-12-2023 at 19:37 IST

संबंधित बातम्या

तुम्ही या बातम्या वाचल्या आहेत का? ×