अबू धाबी : गतविजेता वेस्ट इंडिजचा संघ ट्वेन्टी-२० विश्वचषक स्पर्धेतील आव्हान कायम राखण्यास प्रयत्नशील असून गुरुवारी त्यांच्या मार्गात श्रीलंकेचा अडथळा आहे. सलग दोन पराभवांनंतर विंडीजने कामगिरीत सुधारणा करताना बांगलादेशवर तीन धावांनी निसटता विजय मिळवला. या विजयामुळे त्यांना उपांत्य फेरीच्या शर्यतीत टिकून राहण्यात यश आले. मात्र, दोन वेळच्या विजेत्या विंडीजची निव्वळ धावगती गटात सर्वात कमी असून त्यांना अखेरचे दोन्ही सामने मोठ्या फरकाने जिंकावे लागणार आहेत. ड्वेन ब्राव्हो, जेसन होल्डर आणि आंद्रे रसेल यांच्यावर विंडीजच्या गोलंदाजीची भिस्त आहे. त्यांच्या फलंदाजांची श्रीलंकन फिरकी जोडी वानिंदू हसरंगा आणि महीष थीकसना यांच्यासमोर कसोटी लागेल. ’ वेळ : सायं ७.३० वा. ’ थेट प्रक्षेपण : स्टार स्पोटर्स १, १ हिंदी
