भारतीय अॅथेलॅटिक्स विश्वासाठी गुरुवारचा दिवस महत्वाचा ठरला. वेगवान धावपटू हिमा दास हिने नवा इतिहास रचला. IAAF वर्ल्ड अंडर २० अॅथेलॅटिक्स चॅम्पिअनशिप स्पर्धेत तिने ४०० मीटर प्रकारात सुवर्णपदक पटकावले. ट्रॅक इव्हेंटमध्ये सुवर्णपदक जिंकणारी ती पहिला भारतीय महिला ठरली. १८ वर्षीय हिमाने ५१.४६ सेकंदात ४०० मीटरचे अंतर पार करीत स्पर्धा जिंकली. या संदर्भात तिची एक मुलाखत घेण्यात आली. ही मुलाखत अॅथेलॅटिक्स फेडेरेशन ऑफ इंडिया (AFI) यांनी आपल्या ट्विटर हॅण्डलवरून ट्विट केली आणि त्या व्हिडियोखाली तिला शुभेच्छा देणारा संदेश लिहिला. मात्र संदेश लिहिताना AFIने चक्क हिमाला फारसं चांगलं इंग्रजी बोलता येत नाही, असे लिहिले. या ट्विटवरून AFI वर सोशल मीडियावर टीकेचा भडीमार होत आहे. सुवर्णकन्या हिमा हीच पराक्रम मोठा आहे. या पराक्रमाचे कौतुक करताना तिला इंग्रजी येत नसल्याचे नमूद करण्याची काहीही गरज नव्हती, अशा पद्धतीची मते नेटकऱ्याकडून व्यक्त करण्यात आली. अंग्रेज़ी फ्लूयंट नहीं है ? मतलब @afiindia ? धाविका की मैदान में गति अपेक्षित है या अँग्रेजी में ? खेल-मंत्री @Ra_THORe से आग्रह है कि संस्थान की इस अंवाछनीय भाषा का संज्ञान लें ! वेगवती भारत-पुत्री #HimaDas को तिरंगे की लहर-लहर बधाईयाँ — Dr Kumar Vishvas (@DrKumarVishwas) July 13, 2018 स्पर्धेत 'सुवर्ण'पराक्रम केल्यानंतर तिची मुलाखत घेण्यात आली होती. या मुलाखती दरम्यान तिला इंग्रजी भाषेतून काही प्रश्न विचारण्यात आले होते. त्याची उत्तर देताना हिमाची थोडी त्रेधातिरपीट उडाली. पण तिने प्रसंगावधान राखत स्वतःला सांभाळून घेतले. पण हा व्हिडीओ ट्विट करत असताना AFIने मात्र 'हिमाला छान इंग्रजी बोलता येत नाही, पण तिने प्रयत्न चांगला केला', असे खोचक ट्विट केले. #HimaDas speking to media after her SF win at #iaaftampere2018 @iaaforg Not so fluent in English but she gave her best there too. So proud of u #HimaDas Keep rocking & yeah,try ur best in final! @ioaindia @IndianOlympians @TejaswinShankar @PTI_News @StarSportsIndia @hotstartweets pic.twitter.com/N3PdEamJen — Athletics Federation of India (@afiindia) July 12, 2018 दरम्यान, या ट्विटमध्ये आम्हाला हिमाचा अभिमान वाटतो, असेही शेवट नमूद करण्यात आले आहे. आणि नंतर या ट्विटमागील उद्देशही त्यांनी स्पष्ट केला. सभी भारतवासियों से क्षमा अगर हमारी एक TWEET से आप आहत हुए है!असल उद्देश्य यह दर्शाना था कि हमारी धाविका किसी भी कठनाई से नहीं घबराती, मैदान के अंदर या बाहर! छोटे से गाँव से आने के बावजूद, विदेश में अंग्रेजी पत्रकार से बेझिझक बात की! एक बार फिर उनसे क्षमा जो नाराज हैं, जय हिन्द! — Athletics Federation of India (@afiindia) July 13, 2018 मात्र तोपर्यंत AFI लोकांच्या टिकेचे धनी ठरले होते.
