scorecardresearch

माझ्या संघात आई-बहिणीवरुन शिव्या द्यायच्या नाहीत – महेंद्रसिंह धोनी

‘द धोनी टच’ पुस्तकात कॅप्टन कूलने केला खुलासा

जाणून घ्या धोनीच्या क्रिकेट कारकिर्दीतले महत्वाचे किस्से
भारतीय संघाचं नेतृत्व महेंद्रसिंह धोनीकडून विराट कोहलीकडे आलं. मात्र आपल्या काळामध्ये कॅप्टन कूल असं बिरद अभिमानाने मिरवणाऱ्या धोनीवरही आज संघाची मदार असते. गेल्या काही दिवसांमध्ये धोनीची फलंदाजी हवीतशी बहरत नाहीये, मात्र यष्टीरक्षणात, विराट कोहलीला क्षेत्ररक्षण लावून देण्यात तसेच कोणत्या निर्णयावर डीआरएस घेऊन पंचांकडे दाद मागायची याबद्दलचे निर्णय अजुनही धोनीच घेताना दिसतो. इंडियन एक्स्प्रेसचे क्रीडा प्रतिनिधी भारत सुंदरेसन यांनी आपल्या, ‘The Dhoni Touch’ या पुस्तकात धोनीच्या स्वभावातील विविध पैलूंचा आढावा घेतलेला आहे.

यष्टींमागून धोनी आपल्या गोलंदाजाना नेहमी सुचना देत असताना आपण सामन्यादरम्यान पाहिलं आहे. कोणताही आक्रस्ताळेपणा न करता शांत डोक्याने धोनी प्रतिस्पर्धी संघाला मात देत सामन्यात बाजी मारुन जातो. यावेळी आपल्या कर्णधारपदाच्या काळात आपण संघातील खेळाडूंना कधीही प्रतिस्पर्धी खेळाडूला आई-बहिणीवरुन शिव्या देण्याची परवानगी दिली नाही. “आज काल आंतरराष्ट्रीय क्रिकेटमध्ये हा प्रकार सहज चालतो. मात्र मी माझ्या खेळाडूंना प्रतिस्पर्ध्यांना शिवी देण्याची मूभा दिली, तर सामना संपल्यानंतर संपूर्ण दिवस ही गोष्ट त्यांना सतावत राहिलं.” पुस्तकात धोनीने आपल्या कर्णधारपदाच्या शैलीबद्दल माहिती दिली आहे.

२००८ साली ऑस्ट्रेलियाविरुद्धची वन-डे मालिका असो किंवा आयपीएलमध्ये खेळताना चेन्नईच्या संघाची यशस्वीरित्या बांधलेली मोट असो, प्रत्येक गोष्टींत धोनीने आपला खास टच दाखवून दिला आहे. याव्यतिरीक्त धोनीच्या क्रिकेट कारकिर्दीशी निगडीत अनेक घटनांचा Indian Express चे प्रतिनिधी भारत सुंदरेसन यांनी आपल्या पुस्तकामध्ये समावेश केला आहे.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: I dont allow my boys to give maa behen ki gaali mahendra singh dhoni

ताज्या बातम्या