scorecardresearch

Premium

IND vs AUS 3rd T20 : मॅक्सवेलच्या शतकी खेळीपुढे भारतीय गोलंदाज भुईसपाट, पाच गडी राखून ऑस्ट्रेलियाचा रोमहर्षक विजय

India vs Australia 3rd T20 Match Updates : ग्लेन मॅक्सवेलने गुवाहाटी येथे खेळल्या गेलेल्या तिसऱ्या टी-२० मध्ये आश्चर्यकारक कामगिरी केली. मॅक्सवेलने अवघ्या ४८ चेंडूत ८ चौकार आणि ८ षटकार मारून ऑस्ट्रेलियाला जवळपास गमावलेला सामना जिंकून दिला.

India vs Australia 3rd T20 Updates in Marathi
ग्लेन मॅक्सवेलने झळकावले शतक (फोटो-एक्स)

India vs Australia 3rd T20 Updates : भारत आणि ऑस्ट्रेलिया यांच्यात पाच सामन्यांच्या टी-२० मालिकेतील तिसरा मंगळवारी पार पडला. गुवाहाटीतील बारसापारा स्टेडियमवर झालेल्या सामन्यात ऑस्ट्रेलियाने ग्लेन मॅक्सवेलच्या वादळी शतकाच्या जोरावर भारताचा ५ गडी राखून पराभव केला. या सामन्यात भारतीय संघाने प्रथम फलंदाजी करताना ऋतुराज गायकवाडच्या शतकी खेळीच्या जोरावर ऑस्ट्रेलियाला २२३ धावांचे लक्ष्य दिले होते. प्रत्युत्तरात ऑस्ट्रेलियाने २० व्या षटकातील शेवटच्या चेंडूवर २२५ धावा करत विजय नोंदवला.

तिसर्‍या टी-२० सामन्यात ऑस्ट्रेलियाने भारताचा पाच गडी राखून पराभव केला आहे. प्रथम फलंदाजी करताना भारताने २० षटकांत ३ गडी गमावून २२२ धावा केल्या होत्या. भारताकडून ऋतुराज गायकवाडने सर्वाधिक धावा केल्या. त्याने ५७ चेंडूत १२३ धावांची खेळी केली. भारताकडून टी-२० मध्ये शतक झळकावणारा ऋतुराज आठवा भारतीय ठरला. त्याचबरोबर ऑस्ट्रेलियाविरुद्ध शतक झळकावणार पहिला भारतीय ठरला आहे.

AUS vs NZ 2nd T20I Highlights in marathi
AUS vs NZ : मॅक्सवेलने फिंचचा विक्रम मोडत रचला इतिहास, ऑस्ट्रेलियासाठी ‘ही’ कामगिरी करणारा ठरला पहिला फलंदाज
mumbai vs assam ranji trophy match shardul's 6 wickets
शार्दुल ठाकूरचे शानदार पुनरागमन! अवघ्या २१ धावात ६ विकेट्स घेत प्रतिस्पर्धी संघाचा डाव लंच ब्रेकपूर्वीच गुंडाळला
Brian Lara WI vs AUS
WI vs AUS : वेस्ट इंडिजचा ऐतिहासिक विजय अन् समालोचनादरम्यान ब्रायन लाराला अश्रू अनावर, VIDEO व्हायरल
AUS vs WI 2nd Test Match Updates in marathi
AUS vs WI 2nd Test : वेस्ट इंडिजचा ऑस्ट्रेलियावर ८ धावांनी ऐतिहासिक विजय, शमर जोसेफ ठरला विजयाचा शिल्पकार

प्रत्युत्तरा भारतीय संघाला अखेरच्या षटकात २१ धावा वाचवता आल्या नाहीत. प्रसीध कृष्णा शेवटच्या षटकांत गोलंदाजी करण्यासाठी आला होता,पण टीम इंडिया २१ धावांचा बचाव करु शकली नाही. मॅक्सवेल आणि वेडने इतक्या धावा करून ऑस्ट्रेलियाला विजयापर्यंत नेले.

हेही वाचा – IPL 2024: आंद्रे रसेल आणि सुनील नरेनला कायम ठेवण्याबाबत टॉम मूडीने केला खुलासा, म्हणाला…

शेवटच्या षटकाच्या पहिल्या चेंडूवर वेडने चौकार मारला. त्यानंतर दुसऱ्या चेंडूवर एक धाव आली. यानंतर मॅक्सवेलने तिसऱ्या चेंडूवर षटकार ठोकला. त्यानंतर चौथ्या चेंडूवर चौकार मारला. मॅक्सवेलने पाचव्या चेंडूवर चौकार मारून टी-२० आंतरराष्ट्रीय क्रिकेटमधील चौथे शतक पूर्ण केले. त्याने ४७ चेंडूत शतक झळकावले. शेवटच्या चेंडूवर ऑस्ट्रेलियाला दोन धावांची गरज होती आणि मॅक्सवेलने चौकार मारून संघाला विजय मिळवून दिला. मॅक्सवेलने ४८ चेंडूत १०४ धावा केल्यानंतर नाबाद राहिला. त्याचवेळी, मॅथ्यू वेड १६ चेंडूत २८ धावांवर नाबाद राहिला.

हेही वाचा – “तुमचीही चूक मान्य करा, सॉरी म्हणा कारण..”, वसीम अक्रमनी भारतीय चाहत्यांना सुनावलं; म्हणाले, “२०२४ मध्ये..”

ग्लेन मॅक्सवेल आता रोहित शर्मासह टी-२० आंतरराष्ट्रीय क्रिकेटमध्ये सर्वाधिक शतके करणारा फलंदाज बनला आहे. दोघांनी -२० आंतरराष्ट्रीय क्रिकेटमध्ये तीन शतके झळकावली आहेत. या विजयासह ऑस्ट्रेलियाने पाच सामन्यांच्या टी-२० मालिकेत पुनरागमन केले आहे. मालिकेत भारत अजूनही २-१ ने आघाडीवर आहे. या मालिकेतील चौथा सामना रायपूरमध्ये १ डिसेंबरला होणार आहे.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ind vs aus 3rd t20 match updates australia beat india by 5 wickets vbm

First published on: 28-11-2023 at 23:00 IST

संबंधित बातम्या

तुम्ही या बातम्या वाचल्या आहेत का? ×