IND vs PAK Hockey: India beat Pakistan on penalties in men's Hockey 5s Asia Cup final

IND vs PAK, Hockey Team: एकीकडे क्रिकेट वन डे आशिया चषकात भारत-पाकिस्तान यांच्यातील सामना श्रीलंकेच्या भूमीवर पावसाच्या सावटाखाली सुरू होता, तर दुसरीकडे, हॉकी ५S आशिया कपमध्ये भारतीय हॉकी संघाने बाजी मारली. अंतिम फेरीत पाकिस्तानचा पराभव करून सुवर्णपदक पटकावले.

हॉकी ५S आशिया कपमध्ये भारतीय हॉकी संघाने बाजी मारली. अंतिम फेरीत पाकिस्तानचा पराभव करून सुवर्णपदक पटकावले. सौजन्य- (ट्वीटर)

IND vs PAK, Hockey Team: एकीकडे क्रिकेट चाहत्यांच्या नजरा श्रीलंकेच्या कॅंडीमध्ये सुरु असलेल्याथे भारत आणि पाकिस्तान सामन्यावर होत्या, जिथे हे दोन संघ एकदिवसीय आशिया कपमध्ये आमनेसामने होते. त्यात पाऊस लपाछपीचा खेळ खेळत होता. शेवटी पावसाने हा रद्द झाला. दरम्यान, दुसरीकडे, हॉकी ५s पुरुष आशिया चषक स्पर्धेत भारत आणि पाकिस्तान यांच्यात सामना सुरू होता. मात्र, हा स्पर्धेचा अंतिम सामना होता आणि यामध्ये भारतीय हॉकी संघाने चमकदार कामगिरी करत विजयाची नोंद केली. टीम इंडियाने पेनल्टी शूट आउटद्वारे ६-४ असा शानदार विजय संपादन केला.

हॉकी ५s फॉरमॅटमध्ये ५ खेळाडू मैदान उतरतात. अंतिम फेरीत भारताकडून मनदीप मोर (कर्णधार), सूरज करकेरा, जुगराज सिंग, मनिंदर सिंग आणि पवन राजभर यांनी मैदानात उतरले. हा सामना खूपच रोमांचक होता ज्यात एकवेळ अशी होती ज्यावेळी पाकिस्तानचे ३ गोल होते तर भारताचे २ गोल होते. भारत एका गोलने पिछाडीवर होता, मात्र अखेरच्या क्षणांमध्ये भारताने १ गोल करत गुणसंख्या ४-४ अशी बरोबरी केली.

हेही वाचा: IND vs PAK: शाहीन आफ्रिदीचा गोल्डन इनस्विंग अन् रोहित शर्माच्या विकेटवर विराट कोहलीची रिअ‍ॅक्शन व्हायरल; पाहा Video

यानंतर पेनल्टी शूटआऊटद्वारे निर्णय घ्यायचा होता. पेनल्टी शूटआऊटमध्ये भारताने दोन्ही शॉट्सचे गोलमध्ये रूपांतर केले, तर पाकिस्तानने एका शॉटचे गोलमध्ये रूपांतर केले पण दुसरा शॉट चुकला. यासह भारताने पेनल्टी शूटआऊटमध्ये २-१ असा विजय मिळवला आणि ६-४ने स्पर्धाही जिंकली. आता भारतीय हॉकी संघ ५s हॉकी विश्वचषक २०२४ साठी पात्र ठरला आहे. या स्पर्धेतील सर्वात संस्मरणीय क्षण म्हणजे भारताने ३५ गोल करत जपानी संघाचा पराभव केला.

सेमी फायनलमध्ये भारताने मलेशियाला हरवले

भारताने शनिवारी येथे उपांत्य फेरीत मलेशियाचा १०-४ असा पराभव करून उद्घाटनाच्या पुरुष हॉकी ५s आशिया चषक स्पर्धेच्या अंतिम फेरीत प्रवेश केला. पाकिस्तानने पहिल्या उपांत्य फेरीत ओमानचा ७-३ असा पराभव करून अंतिम फेरीत धडक मारली होती. स्पर्धेतील एलिट पूल स्टेज सामन्यात भारताला पाकिस्तानकडून ४-५ असा पराभव पत्करावा लागला होता. या स्पर्धेत भारताला सुवर्णपदक, पाकिस्तान रौप्य पदक आणि मलेशिया कांस्यपदक मिळाले.

हेही वाचा: IND vs PAK: पल्लेकेलेमध्ये इशान-हार्दिकचा ‘पॉवरफुल’ शो, पाचव्या विकेटसाठी पाकिस्तानविरुद्ध सर्वात मोठी पार्टनरशिप

या खेळाडूंनी अप्रतिम कामगिरी केली

भारताकडून उपांत्य फेरीत मोहम्मद राहिल (९वे, १६वे, २४वे, २८वे मिनिट), मनिंदर सिंग (दुसरे मिनिट), पवन राजभर (१३वे मिनिट), सुखविंदर (२१वे मिनिट), दीपसन तिर्की (२२वे मिनिट), जुगराज सिंग. (२३वे मिनिट) आणि गुरजोत सिंग (२९व्या मिनिटाला) यांनी गोल केले. मलेशियाकडून कर्णधार इस्माईल आसिया अबू (4वे मिनिट), अकाहिमुल्लाह अन्वर (७वे, १९वे मिनिट), मोहम्मद दिन (१९वे मिनिट) यांनी गोल केले. या विजयाने २०२४च्या FIH हॉकी फाइव्ह विश्वचषकात भारताचे स्थान निश्चित केले.

IND vs PAK, Hockey Team: चक दे इंडिया! भारतीय संघाचा अंतिम फेरीत पेनल्टी शूटमध्ये ६-४ने पाकिस्तानवर शानदार विजय

सेमी फायनलमध्ये भारताने मलेशियाला हरवले

या खेळाडूंनी अप्रतिम कामगिरी केली