भारतीय बॅडमिंटन लीगचे आकर्षण असलेली ज्वाला गट्टा हिने प्रेक्षकांच्या अश्लील शेरेबाजीबद्दल तीव्र नाराजी व्यक्त केली असून स्पर्धेच्या तांत्रिक अधिकाऱ्यांकडे तिने ही नाराजी प्रकट केली. कांतिराव इनडोअर स्टेडियमवर झालेल्या सामन्यात ज्वाला सहभागी झाली होती. दिल्ली स्मॅशर्सकडून खेळताना तिने व्ही.दिजू याच्या साथीत मिश्र दुहेरीत संघास विजय मिळवून दिला. दिल्लीने बांगा बिट्सवर ४-१ अशी मात केली. हा सामना सुरू असताना काही प्रेक्षकांनी तिला उद्देशून वैयक्तिक व अश्लील शेरेबाजी केल्यामुळे ती खूप नाराज झाली व तिने सामन्याच्या संयोजकांकडे आपले गाऱ्हाणे मांडले असल्याचे संघ व्यवस्थापनाकडून सांगण्यात आले.
