सनरायझर्स हैदराबाद वि दिल्ली कॅपिटल्सच्या सामना आज अरूण जेटली स्टेडियमवर खेळवला जात आहे. या सामन्यात नाणेफेक गमावत हैदराबादचा संघ प्रथम फलंदाजीसाठी उतरला. एका वेगळ्याच भन्नाट फॉर्मात असलेले हैदराबादचे सलामीवीर ट्रेव्हिस हेड आणि अभिषेक शर्मा यांनी अविश्वसनीय फलंदाजी केली आहे. अवघ्या २.४ षटकांत या दोघांनीही संघाची धावसंख्या ५० धावांच्या घरात नेली. या दोघांनीही पॉवरप्लेमध्ये म्हणजेच अवघ्या ६ षटकांमध्ये १२५ धावा केल्या आहेत. आयपीएल आणि टी-२० च्या इतिहासातील ही सर्वात मोठी पॉवरप्लेमधील संख्या आहे. T20 क्रिकेटमधील पॉवरप्लेमधील सर्वोच्च धावसंख्या १) सनरायझर्स हैदराबाद - १२५/० वि दिल्ली कॅपिटल्स, २०२४ २) नॉटिंगहॅमशायर - १०६/० वि डरहम, २०१७ ३) कोलकाता नाइट रायडर्स - १०५/० वि रॉयल चॅलेंजर्स बेंगळुरू, २०१७ ४) सेंट किट्स आणि नेव्हिस देशभक्त - १०५/० वि बार्बाडोस ट्रायडेंट्स, २०१७ ५) दक्षिण आफ्रिका - १०२/० वि वेस्ट इंडीज, २०२३ आयपीएलच्या पॉवरप्लेमधील सर्वोच्च धावसंख्या १२५/०- एसआरएच वि डीसी, २०२४*१०५/० - केकेआर वि आरसीबी, २०१७१००/० - सीएसके वि पीबीकेएस, २०१४९०/० - सीएसके वि एमआय, २०१५८८/१ - केकेआर वि डीसी, २०२४* ट्रॅव्हिस हेड एका बाजूने तर दुसऱ्या बाजूने अभिषेक शर्मा तुफान फटकेबाजी करत होते. पहिल्याच षटकात हेडने एक षटकार आणि दोन चौकार तर अभिषेकने एक चौकार लगावत १९ धावा केल्या. या दोघांनीही अवघ्या २.४ षटकांत ५० धावांचा तर ५ षटकांत १०० धावांचा आकडा गाठला आणि मोठी गोष्ट म्हणजे एकही विकेट न गमावता ही मोठी धावसंख्या उभारली. ट्रॅव्हिस हेडने अवघ्या १६ चेंडूत आपले अर्धशतर झळकावले. ६ षटकांमधील गोलंदाज आणि धावाखलील अहमदचे पहिले षटक- १९ धावाललित यादवचे दुसरे षटक - २१ धावानॉर्कियाचे तिसरे षटक- २२ धावाललित यादवचे चौथे षटक - २१ धावाकुलदीप यादवचे पाचवे षटक - २० धावामुकेश कुमारचे सहावे षटक - २२ धावा सहाव्या षटकापर्यंत ट्रॅव्हिस हेड २६ चेंडूत ट्रॅव्हिस हेडने २६ चेंडूत ८४ धावा केल्या आहेत. तर अभिषेक शर्मा १० चेंडूत ४० धावा करत मैदानात होता.