Virat Kohli Creates History in IPL: आयपीएल २०२४ च्या एलिमिनेटर सामन्यात विराट कोहलीने इतिहास रचला आहे. राजस्थान रॉयल्स वि रॉयल चॅलेंजर्स बंगळुरू अहमदाबादच्या नरेंद्र मोदी स्टेडियमवर हा सामना खेळवला जात आहे. राजस्थान रॉयल्सचा कर्णधार संजू सॅमसनने नाणेफेक जिंकून प्रथम गोलंदाजी करण्याचा निर्णय घेतला. अशा परिस्थितीत आरसीबी प्रथम फलंदाजीसाठी मैदानात उतरला. आरसीबीचा सलामीवीर विराट कोहलीने या सामन्यात २९ धावा करताच मोठी कामगिरी आपल्या नावे केली आहे. आयपीएलच्या इतिहासात अशी कामगिरी कोणत्याच खेळाडूला करता आलेली नाही.

आयपीएलमध्ये तब्बल ८ हजार धावा करणारा विराट कोहली पहिला फलंदाज ठरला आहे. कोहलीने २५२व्या आयपीएल सामन्याच्या २४४व्या डावात ८ हजार धावा पूर्ण केल्या. लीगमध्ये ४०००, ६००० आणि ७००० धावा करणारा तो सर्वात वेगवान फलंदाज आहे. आयपीएलमध्ये सर्वात जलद १००० धावा ॲडम गिलख्रिस्टने केल्या होत्या. तर सर्वात जलद २००० धावा, ३००० धावा आणि ५००० धावा सुरेश रैनाने केल्या होत्या. आयपीएल २०२४ मध्येही विराट कोहलीची बॅट चांगलीच तळपताना दिसली आहे. १७व्या हंगामात सर्वाधिक धावा करणारा फलंदाज हा विराट कोहलीचं आहे त्याच्या आसपासही इतर कोणताच फलंदाज नाही.

नक्की वाचा
Sachin Tendulkar Son Arjun Tendulkar Aggression
२ चेंडूंवर, २ षटकार व सचिन तेंडुलकरच्या लेकाची माघार; अर्जुनला खुन्नस देणं पडलं महाग, MI vs LSG ची नाट्यमय ओव्हर पाहा
Rohit Sharma Becomes the First Batsman to hit 600 Sixes in International Cricket
T20 WC 2024: रोहित शर्माच्या नावे वर्ल्ड रेकॉर्ड, ‘ही’ कामगिरी करणारा जगातील पहिलाच फलंदाज
Shikhar Dhawan and Mithali Raj Marriage Talks
‘मी मिताली राजशी लग्न करत आहे…’, शिखर धवनचा मोठा खुलासा, जाणून घ्या नक्की काय आहे प्रकरण?
What Kangana Said?
कंगनाचा धक्कादायक दावा, “कोणतीही नवी हिरोईन आली की तिला दाऊदसमोर..”
RCB vs RR Rain Abandoned Match Who Will Play Qualifier 2
RCB vs RR एलिमिनेटर सामना पावसामुळे रद्द झाल्यास कोणाला मिळणार क्वालिफायरची संधी? काय आहे IPL चा नियम?
Ravichandran Ashwin Calls Sanju Samson Selfish After RR Captain Selected For T20 World Cup
“तो स्वार्थीपणे खेळतोय..”, अश्विनने संजु सॅमसनची विश्वचषकाच्या संघात निवड होताच केलं मोठं विधान; म्हणाला,”त्याची गरज..”
Nagpur Results Nitin Gadkari Major Win Can Change Prime Minister Power Game
नितीन गडकरींचा विजय पालटणार सत्तेचा खेळ? ज्योतिषतज्ज्ञ म्हणतायत, “२०२४ पर्यंत काळजी, तर २०२६ ला मोठा..”
Abhishek Sharma smashed Virat Kohli's record of most sixes in single season
SRH vs PBKS : अभिषेक शर्माने विराटचा विक्रम मोडत रचला इतिहास, ‘हा’ पराक्रम करणारा ठरला पहिला भारतीय

हेही वाचा – RCBचे सराव सत्र रद्द होण्यामागचे खरे कारण आले समोर. विराट कोहलीच्या सुरक्षिततेला….

विराट कोहली आयपीएलमध्ये सर्वाधिक धावा करणारा फलंदाज ठऱला आहे. या यादीत शिखर धवन दुसऱ्या, रोहित शर्मा तिसऱ्या, डेव्हिड वॉर्नर चौथ्या आणि सुरेश रैना पाचव्या स्थानावर आहे. या यादीत महेंद्रसिंग धोनी (५२४३ धावा) सहाव्या, एबी डिव्हिलियर्स (५१६२ धावा) सातव्या, ख्रिस गेल (४९६५ धावा) आठव्या, रॉबिन उथप्पा (४९५२ धावा) नवव्या आणि दिनेश कार्तिक (४८३१ धावा) दहाव्या स्थानावर आहे.

आयपीएलमध्ये सर्वाधिक धावा करणारे फलंदाज
विराट कोहली: ८०००* धावा
शिखर धवन : ६७६९ धावा
रोहित शर्मा : ६६२८ धावा
डेव्हिड वॉर्नर : ६५६५ धावा
सुरेश रैना : ५५२८ धावा

एलिमिनेटर सामन्यात विराट कोहलीने संघाला चांगली सुरूवात करून दिली. पण तो मोठी खेळी करू शकला नाही . विराट २४ चेंडूत ३ चौकार आणि एका षटकारासह ३३ धावा करत चहलच्या गोलंदाजीवर बाद झाला. १० षटकांनंतर प्रथम फलंदाजी करताना आरसीबीची धावसंख्या २ बाद ७६ धावा आहे.