मुंबई : रत्नागिरी येथे झालेल्या शिवशाही चषक राज्य अजिंक्यपद कॅरम स्पर्धेत मुंबईच्या महम्मद घुफ्रानने पुरुष एकेरीचे आणि काजल कुमारीने महिला एकेरीचे विजेतेपद पटकावले. पुरुषांच्या अंतिम सामन्यात घुफ्रानने मुंबईच्या विश्वविजेत्या प्रशांत मोरेचा २५-१०, २५-४ असा धुव्वा उडवला. तिसऱ्या क्रमांकासाठी झालेल्या लढतीत मुंबईच्या संदीप देवरूखकरने ठाण्याच्या राजेश गोहिलवर १८-११, १९-१८ अशी मात केली. महिलांच्या अंतिम सामन्यात काजलने मुंबईच्या नीलम घोडकेवर चुरशीच्या लढतीत १२-२१, २५-७, २५-१५ असा निसटता विजय मिळवला. तिसऱ्या क्रमांकासाठी झालेल्या लढतीत मुंबईच्या ऐशा खोकावालाने रत्नाागिरीच्या मैत्रेयी गोगटेवर २४-०, १५-१४ असा विजय मिळवला.
