न्यूझीलंडचा कर्णधार केन विल्यमसनच्या घरी चिमुकलीचं आगमन झालं आहे. कन्यारत्न झाल्याची माहिती विल्यमसन यानं आपल्या इन्स्टाग्रामवरुन दिली आहे. आमच्या कुटुंबात एक सुंदर मुलीचे स्वागत करताना आनंद गगणात मावत नव्हता, अशी पोस्ट विल्यमसन यानं केली आहे. विल्यमसन यानं इन्स्टाग्रामवर मुलीला हृदयाशी लावलेला फोटो पोस्ट केला आहे. त्याखाली सुंदर असं कॅप्शनही टाकलं आहे. आयसीसी, न्यूझीलंड क्रिकेट बोर्ड आणि हैदराबाद संघासह अनेक खेळाडूंनी विल्यमसनचं अभिनंदन केलं आहे. Instagram वर ही पोस्ट पहा Kane Williamson (@kane_s_w) ने सामायिक केलेली पोस्ट पहिल्यांदाच वडील होणार असल्यामुळे केन विल्यमसन यानं आंतरराष्ट्रीय क्रिकेटमधून सुट्टी घेतली होती. विडिजबरोबरील होणाऱ्या दुसऱ्या कसोटी सामन्यातून विल्यमसन यानं माघार घेतली होती. न्यूझीलंड क्रिकेट बोर्डानेही विल्यमसनच्या निर्णायचं स्वागत करत त्याला सुट्टी मंजूर केली होती.
