नवी दिल्ली : ‘आयपीएल’च्या उर्वरित लढती सप्टेंबर महिन्यात खेळवण्यात आल्यास इंग्लंडप्रमाणेच न्यूझीलंडचे खेळाडूही त्यामधून माघार घेण्याची शक्यता बळावली आहे. न्यूझीलंडचा संघ सप्टेंबरमध्ये पाकिस्तानविरुद्ध खेळणार आहे. त्यामुळे कर्णधार केन विल्यम्सन (हैदराबाद), ट्रेंट बोल्ट (मुंबई), कायले जेमिसन (बेंगळूरु), मिचेल सँटनर (चेन्नई) आणि लॉकी फग्र्युसन (कोलकाता) असे प्रमुख खेळाडू ‘आयपीएल’मधील आपापल्या संघांच्या लढतींना मुकण्याची चिन्हे आहेत. सध्या मालदीवमध्ये असलेले न्यूझीलंडचे काही खेळाडू या आठवड्याच्या अखेरपर्यंत थेट इंग्लंडला रवाना होतील, अशी माहिती संघाचे मुख्य प्रशिक्षक गॅरी स्टेड यांनी दिली.
