प्रो कबड्डी लीगच्या (पीकेएल) आठव्या हंगामासाठी २९ ऑगस्टला खेळाडूंची लिलाव प्रक्रिया सुरू झाली. लिलावाच्या पहिल्या दिवशी नवीन युवा खेळाडूंचा (NYP) लिलाव झाला, पण १२ संघांनी या खेळाडूंमध्ये फारसा रस दाखवला नाही. लिलावाच्या पहिल्या दिवशी फक्त चार खेळाडू खरेदी करण्यात आले. आता सर्वांच्या नजरा आज म्हणजेच ३० ऑगस्ट रोजी होणाऱ्या लिलावाच्या दुसऱ्या दिवशी असतील. आज प्रथम परदेशी खेळाडूंचा लिलाव केला जाईल आणि नंतर ए श्रेणीतील खेळाडूंचा संध्याकाळी साडेसहा वाजल्यापासून लिलाव केला जाईल. या खेळाडूंमध्ये प्रदीप नरवाल, राहुल चौधरी, दीपक हुडा, रोहित कुमार, नितीन तोमर यांसारख्या खेळाडूंचा समावेश असेल. The wait is over and the battle of the batons is here Catch LIVE broadcast of the Category A Domestic players on 30th August, 6:30 PM on Star Sports Network & Hotstar. #vivoProKabaddiPlayerAuction pic.twitter.com/mDjdehgk9v — ProKabaddi (@ProKabaddi) August 28, 2021 लिलावापूर्वी ५९ खेळाडूंना कायम ठेवण्यात आले आहे. याशिवाय सर्व १२ संघांनी मिळून १६१ खेळाडूंना रिलीज केले आहे. या यादीत अनेक बड्या खेळाडूंची नावे समाविष्ट करण्यात आली असून त्यांच्या भवितव्याचा निर्णय फक्त आज होणार आहे. लिलावातील सर्व संघांना फायनल बिड मॅच कार्डचा (FBM) पर्याय असेल, ज्याचा वापर करून ते त्यांच्या संघातून रिलीज केलेल्या काही खेळाडूंचा समावेश करू शकतात. पुणेरी पलटणने लिलावाच्या पहिल्या दिवशी दोन खेळाडू खरेदी केले, तर यूपी योद्धा आणि तेलुगू टायटन्सने प्रत्येकी एक खेळाडू खरेदी केला. लिलावाच्या पहिल्या दिवशी मोहित गोयत, नितीन पंवार, प्रिन्स आणि गोविंद गुर्जर यांना खरेदी केले. मात्र, यांच्यावर किती बोली लागली, हे अद्याप स्पष्ट झालेले नाही. हेही वाचा - पॅरालिम्पिक : थाळीफेकपटू विनोद कुमारचं कांस्यपदक रोखलं; वाचा नक्की प्रकरण काय कुठे पाहता येणार हा लिलाव? स्टार स्पोर्ट्स नेटवर्कवर सायंकाळी साडेसहापासून हा लिलाव थेट प्रसारित केला जाईल. या सत्रात 'ए' श्रेणीतील खेळाडूंचा लिलाव केला जाईल आणि तुम्ही डिस्ने+हॉटस्टारवर या लिलावाचे थेट प्रक्षेपण देखील पाहू शकता. पहिल्या दिवशी खरेदी केलेल्या खेळाडूंची यादी: मोहित गोयत (पुणेरी पलटन) गोविंद गुर्जर (पुणेरी पलटन) राजकुमार (तेलुगू टायटन्स) नितीन पंवार (यूपी योद्धा)