Pro Kabaddi Season 6 : घरच्या मैदानावर तामिळ थलायवाजची हाराकिरी, तेलगू टायटन्सने मारली बाजी

अवश्य वाचा – Pro Kabaddi Season 6 : दिल्ली विरुद्ध गुजरात सामना बरोबरीत

तेलगू टायटन्स कडून राहुल चौधरी, मोहसीन मग्शदुलू आणि निलेश साळुंखे यांनी चढाईत सर्वोत्तम कामगिरी बजावली. महत्वाच्या क्षणी तेलगूच्या चढाईपटूंनी तामिळ थलायवाज संघाच्या बचावफळीला खिंडार पाडलं. दुसऱ्या बाजूने अबुझार मिघानी, विशाल भारद्वाज आणि अनिल कुमार यांनी तेलगू टायटन्सच्या चढाईपटूंना मोलाची साथ दिली. तामिळ थलायवाजकडूव कर्णधार अजय ठाकूरनेही चढाईत ९ गुणांची कमाई केली. त्याला दुसऱ्या बाजूने अतुल एम.एस. ने चांगली साथ दिली. बचावफळीत अमित हुडाने ६ गुणांची कमाई करत शेवटच्या क्षणापर्यंत सामना रंगतदार करण्याचा प्रयत्न केला, मात्र मोक्याच्या क्षणी बचावफळीतल्या खेळाडूंनी केलेल्या क्षुल्लक चुकांमुळे तामिळ थलायवाजने तेलगू टायटन्सला सामना बहाल केला.