VIDEO : राशिद खान की महेंद्रसिंह धोनी?..अफगाणी क्रिकेटपटूचा ‘हेलिकॉप्टर शॉट’ होतोय व्हायरल

१८व्या षटकात राशिद फलंदाजीसाठी आला, तेव्हा ससेक्सच्या चार विकेट पडल्या होत्या. विजयासाठी २१ चेंडूत ४३ धावांची गरज होती. त्याने जॉर्डन थॉम्पसनचा चेंडू सीमापार केला. यानंतर त्याने आणखी एक षटकार ठोकला. पुढील षटकात, राशिदने धोनीचा ट्रेडमार्क ‘हेलिकॉप्टर शॉट’ खेळत थॉम्पसनला आणखी षटकार ठोकला.

runs off balls with bat, in overs with ball

Man of the Match @rashidkhan_19 was on in the T20 Blast last night #OrangeArmy #OrangeOrNothingpic.twitter.com/gKXN7JyiGU

— SunRisers Hyderabad (@SunRisers) August 25, 2021

हेही वाचा – ENG vs IND 3rd Test : विराटनं जिंकली नाणेफेक, रवीचंद्रन अश्विन संघाबाहेर

या खेळीमुळे राशिद खान पुन्हा एकदा टी-२० क्रिकेटचा सुपरहिट खेळाडू असल्याचे सिद्ध झाले. टी-२० ब्लास्टच्या उपांत्यपूर्व फेरीत त्याच्या हेलिकॉप्टर शॉटने पुन्हा एकदा लोकांची मने जिंकली. ९ चेंडूत नाबाद २७ धावा काढत तो ‘सामनावीर’ ठरला. गोलंदाजी करताना त्याला ४ षटकांत २५ धावा देऊन एक विकेटही मिळाली.

ससेक्सने सुरुवातीलाच ८.३ षटकांत ७२ धावांची भागीदारी करून यॉर्कशायरला दबावाखाली आणले होते. फिलिप सॉल्ट आणि कर्णधार ल्यूक राइट यांनी संघाला शानदार सुरुवात दिली. पण जॉर्डन थॉम्पसन आणि आदिल रशीदने झटपट विकेट घेतल्या. पण शेवटी राशिद खानच्या खेळीमुळे ससेक्सला सेमीफायनल गाठता आली.