AUS vs PAK Test Series: मिचेल जॉन्सनच्या टीकेला डेव्हिड वॉर्नरचे प्रत्युत्तर; म्हणाला, “माझ्या आई-वडिलांनी मला…”

ऑस्ट्रेलिया विरुद्ध पाकिस्तान कसोटी मालिका ही वॉर्नरची अंतिम कसोटी असू शकते. यावर जॉन्सन म्हणाला की दिग्गज सलामीवीर त्याला मिळत असलेल्या नायकासारखा निरोप घेण्यास पात्र नाही. कारण तो सँडपेपर घोटाळ्यात सामील होता, ज्यामुळे संपूर्ण क्रिकेट समुदाय त्याच्या विरोधात वळला होता. आता या वादाच्या संदर्भात डेव्हिड वॉर्नरने आगीत तेल न घालता शांत प्रतिक्रिया दिली आहे. वॉर्नर म्हणाला की, मिचेल जॉन्सनचे शब्द कितीही कठोर असले, तरीही त्याला मत व्यक्त करण्याचा अधिकार आहे. वॉर्नर पुढे म्हणाला की, जॉन्सनसारख्या टीकाकारांसमोर नतमस्तक व्हायला तो खूप आधी शिकला आहे.

फॉक्स स्पोर्ट्सच्या अहवालानुसार वॉर्नर म्हणाला, “या उन्हाळ्यात क्रिकेट हेडलाइन्सपासून दूर राहणार नाही. ते असेच आहे. प्रत्येकाला मत मांडण्याचा अधिकार आहे, परंतु आम्ही पुढे जाण्यासाठी चांगल्या कसोटी मालिकेची आशा करतो.” डेव्हिड वॉर्नर म्हणाला की, त्याच्या पार्श्वभूमीमुळे तो कठीण क्षणांचा सामना करू शकला आहे. तसेच तो मिचेल जॉन्सनच्या टिप्पण्यांमुळे चिंतित नाही.

हेही वाचा – LLC 2023 : गौतम गंभीरच्या पोस्टवर श्रीसंत संतापला; म्हणाला, ‘तू सर्वोच्च न्यायालयापेक्षा…’

डेव्हिड वार्नर पुढे म्हणाला, “माझ्या आई-वडिलांनी मला टीकेसह जगायल शिकवले. त्याचबरोबर त्यांनी मला रोज लढायला आणि मेहनत करायला शिकवले आहे. जेव्हा तुम्ही मोठ्या स्टेजवर जाता, तेव्हा तुम्हाला कळत नाही की त्याच्यासोबत काय-काय येते. तिथे मीडिया असते, खूप टीका होते, पण काही चांगल्या गोष्टीही आहेत. मला वाटते की, आज तुम्ही येथे जे पाहत आहात, ते सर्वात महत्त्वाचे आहे आणि ते म्हणजे लोक क्रिकेटला पाठिंबा देण्यासाठी पुढे येत आहेत.”