Hong Kong Open Badminton : सलामीच्या सामन्यातच सायनाचे ‘पॅकअप’

Hong Kong Open Badminton – या स्पर्धेत भारताची फुलराणी सायना नेहवाल हिला सलमीच्याच सामन्यात गाशा गुंडाळावा लागला. जपानच्या अकाने यामागूची हिने सायनाला २१-१०, १०-२१, १९-२१ असे पराभूत केले. पहिला गेम सायनाने २१-१० असा अगदी सहज जिंकला होता. त्यामुळे पुढच्या गेममध्येही सायना विजय मिळवेल अशी चाहत्यांची अपेक्षा होती. पण दुसऱ्या गेममध्ये यामागूची हिने अप्रतिम खेळ केला आणि गेम २१-१० असे नमवत तिच्याच भाषेत उत्तर दिले. त्यानंतर तिसरा गेम अपेक्षेप्रमाणे अटीतटीचा झाला. दोघींमध्ये गुणांसाठी चुरस होती. पण अखेर यामागूचीने चपळ खेळ करत तिसरा गेम जिंकला आणि सायनाला स्पर्धेबाहेरचा रस्ता दाखवला.