ज्युनियर महिला हॉकीची निवड चाचणी आजपासून

विदर्भ विमेन्स हॉकी असोसिएशनतर्फे ज्युनियर महिलांकरता हॉकीची निवड चाचणी २३ नोव्हेंबरपासून आयोजित करण्यात आली आहे. २० वर्षांखालील मुलींची ज्युनियर राष्ट्रीय हॉकी अजिंक्यपद स्पर्धा हैदराबाद येथे १ ते १० डिसेंबर या कालावधीत होऊ घातली आहे. या स्पर्धेत विदर्भाच्या संघाचा प्रवेश निश्चित झाला आहे. विदर्भाचा संघ निवडण्यासाठी निवड चाचणी सदरमधील टायगर गॅप ग्राऊंड येथे २३ ते २५ नोव्हेंबर दरम्यान होईल. १ जानेवारी १९९२ रोजी किंवा त्यानंतर जन्मलेले खेळाडू या चाचणीसाठी पात्र राहतील. इच्छुक खेळाडूंना शाळा किंवा महाविद्यालयाचे प्राचार्य यांनी प्रमाणित केलेला जन्मतारखेचा दाखला सोबत आणावा लागेल. अधिक माहितीसाठी विदर्भ विमेन्स हॉकी असोसिएशनच्या अध्यक्ष ममता त्रिवेदी यांच्याशी ८०५५६२५५६६ या क्रमांकावर संपर्क साधता येईल.