टीम इंडियाचा अनुभवी ऑफ स्पिनर हरभजन सिंग सोशल मीडियावर खूप अ‍ॅक्टिव असतो. चाहत्यांचा लाडका 'भज्जी' अनेक घटनांवर बिनधास्तपणे मतही देतो. क्रिकेटनंतर तो सिनेमातही झळकला. त्यामुळे अनेक क्षेत्रात तो उडी घेण्यात तो मागे-पुढे पाहत नाही. आता हरभजनने एक नवा व्हिडिओ शेअर करत सर्वांची मने जिंकली आहे. हरभजन आता शेफ झाला असून त्याने केलेली एक खास 'डिश' सर्वांसमोर आणली आहे. हरभजनने एक व्हिडिओ आपल्या इन्स्टाग्राम अकाउंटवरून शेअर केला आहे. यात तो त्याच्या किचनमध्ये 'छोले' बनवताना दिसत आहे. शिवाय, तो किचनमध्ये उभे राहून सर्व कामे स्वतः करताना दिसत आहे. ४० वर्षीय हरभजनने शेअर केलेल्या या व्हिडिओला आतापर्यंत २७ हजाराहून अधिक चाहत्यांनी पसंती दर्शवली आहे. हेही वाचा - ३६ वर्षीय दिनेश कार्तिकला खेळायचेत दोन टी-२० वर्ल्डकप! View this post on Instagram A post shared by Harbhajan Turbanator Singh (@harbhajan3) 'टर्बनेटर' म्हणून प्रसिद्ध असलेल्या हरभजनने आपल्या कारकीर्दीत १०३ कसोटी, २३६ एकदिवसीय आणि २८ टी-20 आंतरराष्ट्रीय सामने खेळले आहेत. तिन्ही फॉर्मेटमध्ये त्याच्या खात्यात ७००हून अधिक बळी जमा आहेत. हेही वाचा – आपल्याच संघातील खेळाडूला ‘कानशिलात’ लगावलेल्या ३४ वर्षीय क्रिकेटपटूचं पुनरागमन! हरभजन सिंग आणि आयपीएल २०२१ आयपीएलच्या १४व्या मोसमात हरभजन सिंग कोलकाता नाईट रायडर्सचा भाग होता. स्थगित झालेल्या यंदाच्या लीगमध्ये तो तीन सामने खेळला, पण त्याला एकही विकेट घेता आली नाही. आयपीएलमध्ये त्याने एकूण १५० बळी घेतले आहेत. यापूर्वी तो चेन्नई सुपर किंग्ज आणि मुंबई इंडियन्स संघाचा भाग राहिला आहे.
