भारताच्या विश्वनाथन आनंद याची जागतिक कँडिडेट्स बुद्धिबळ स्पर्धेतील अपराजित राहण्याची मालिका चौथ्या फेरीत खंडित झाली. रशियाच्या सर्जी कर्जाकिन याने त्याला पराभवाचा धक्का दिला.चुरशीने झालेल्या डावात सर्जी याने हत्ती व घोडा यांचा कल्पकतेने उपयोग केला. डावाच्या शेवटी आनंदकडेही एक हत्ती व एक घोडा होता. मात्र सर्जी याने त्याला कोंडित पकडले. आपला पराभव अटळ आहे, हे लक्षात येताच आनंदने ४३ व्या चालीत डाव सोडून दिला. चौथ्या फेरीअखेर सर्जी याचे तीन गुण झाले आहेत. त्याने आतापर्यंत दोन डावजिंकले व दोन डाव बरोबरीत सोडविले आहेत. आनंद हा दोन गुणांवरच राहिला. त्यामध्ये त्याने एक डावजिंकला तर दोन डाव बरोबरीत रोखले आहेत.
