Olympic 2024: हॉटस्टार, फॅनकोड नाही तर… भारतात ‘या’ अ‍ॅपवर फ्री पाहता येणार ऑलिम्पिकचे लाईव्ह सामने, जाणून घ्या सविस्तर

हेही वाचा – Paris Olympics 2024 साठी पात्र झालेल्या भारतीय खेळाडूंची यादी वाचा फक्त एका क्लिकवर

फ्रान्समधील पॅरिस या जगप्रसिद्ध शहरात २६ जुलै ते ११ ऑगस्ट या कालावधीत ऑलिम्पिक २०२४ चे सामने रंगणार आहेत. यंदाच्या ऑलिम्पिकमध्ये एकूण २०६ देश सहभागी होणार आहेत. भारतीय खेळाडू यंदाही नवे विक्रम रचून जास्तीत जास्त पदके जिंकण्याचा प्रयत्न करतील. भारताच्या इतिहासात सध्या एकूण ३५ ऑलिम्पिक पदके आहेत. २००८ मध्ये बीजिंगमध्ये अभिनव बिंद्राने देशातील पहिले वैयक्तिक ऑलिम्पिक सुवर्णपदक जिंकले होते. नुकतेच नीरज चोप्राने भालाफेक स्पर्धेत सुवर्णपदक जिंकून सुवर्णपदकांचा दुष्काळ संपवला होता. २०२० च्या टोकियो ऑलिम्पिकमध्ये त्याने ही कामगिरी केली. ऑलिम्पिकमध्ये सुवर्णपदक जिंकणारा तो पहिला भारतीय ॲथलिट ठरला. यंदा भारताकडे खेळाडूंचा ताफा आहे. ऑलिम्पिक सुवर्णविजेता नीरज चोप्रा, शटलर पीव्ही सिंधू, सात्विकसाईराज रँकीरेड्डी आणि चिराग शेट्टी या पुरुष जोडी आणि पुरुष हॉकी संघाला पॅरिसमध्ये पदक जिंकण्याची सुवर्ण संधी आहे.

हेही वाचा – Olympics 2024: महिला प्रशिक्षकांचा टक्का कमी का?

Olympic 2024चे सामने भारतात लाइव्ह कुठे पाहता येणार?

पॅरिस ऑलिम्पिक २०२४ भारतात स्पोर्ट्स 18 नेटवर्कवर SD आणि HD या दोन्ही चॅनेलवर थेट प्रक्षेपित केले जाईल. यासोबतच दूरदर्शनच्या स्पोर्ट्स चॅनलवर लाइव्ह सामनेही पाहू शकता.

Olympic 2024चे लाइव्ह स्ट्रीमिंग मोबाईलवर कुठे पाहता येणार?

Jio Cinema ॲप आणि वेबसाईटवर पॅरिस ऑलिम्पिक २०२४चे लाइव्ह स्ट्रीमिंग पाहू शकता. जिओ सिनेमावर ऑलिम्पिक सामने पाहण्यासाठी वेगळा प्लॅन घेण्याची गरज भासणार नाही. त्यामुळे ऑलिम्पिकचे सामने जिओ सिनेमावर विनामूल्य फ्री पाहता येतील.