डॉ. सारिका सातव साहित्य * बासमती तांदूळ- पाव कप * दूध- एक लिटर * पिस्ता- ८ ते १० * साखर किंवा खडीसाखर- एक कप * बदाम- १५ ते २० * वेलची- ४ ते ५ * केशर- १० ते १५ तंतू * तूप- १ चमचा कृती * तांदूळ दोन ते तीन वेळा धुऊन घ्यावा आणि सुक्या कापडावर पसरवून सुकवून घ्यावा. * सुकल्यानंतर मिक्सरमध्ये बारीक करून घ्यावा. * दूध एका पातेल्यात गरम करण्यास ठेवावे. * दूध गरम झाल्यानंतर एका छोटय़ा वाटीत थोडे दूध घेऊन केशर त्यात भिजवावे. * बारीक केलेला तांदूळ तुपात भाजून उकळलेल्या दुधात मिसळावा. * मंद आचेवर शिजू द्यावे. सतत दूध चमच्याने हलवत राहावे. * साखर मिसळावी. * गरम पाण्यात बदाम थोडा वेळ भिजवून साल काढून मग त्याचे काप करावेत. * पिस्त्याचेही काप करून घ्यावे. * वेलची बारीक करून घ्यावी. * खीर होत आल्यानंतर बदाम, पिस्ता व वेलची पूड टाकून ५ ते ६ मिनिटे उकळू द्यावे. * सर्वात शेवटी केशर असलेले दूध व आवश्यकतेनुसार गुलाबपाणी मिसळावे. * गॅस बंद करून थंड होऊ द्यावे. * थंड फिरनी देताना वरून परत बदाम काप टाकावे. वैशिष्टय़े : * लहान मुले, अतिकृश, गर्भवती, स्तनपान करणाऱ्या माता, तापानंतर अशक्तपणा असणाऱ्यांसाठी अतिशय उपयुक्त * चांगल्या प्रकारे प्रथिने मिळतात.
