|| दीपा पाटील साहित्य - ४ ओले बोंबील, अर्धा चमचा हळद, २ चमचे लिंबूरस, अर्धी वाटी हिरवी चटणी, एक चमचा लाल तिखट किंवा आगरी मसाला, अर्धा चमचा आलं-लसूण पेस्ट, २ चमचे रवा, २ चमचे तांदळाचे पीठ हिरव्या चटणीसाठी - नारळ, हिरवी मिरची, लसूण, कोथिंबीर, लिंबूरस आणि मीठ असे एकत्र वाटून घ्यावे. कृती - बोंबलांचे डोके काढून टाकावे. तिथूनच सुरीच्या साहाय्याने चटणी भरण्यासाठी पोकळी करून घ्यावी. आता या बोंबलांना हळद, मीठ, आले-लसूण पेस्ट लावून घ्यावे. त्यानंतर बोंबलांच्या त्या पोकळीत हिरवी चटणी भरून घ्यावी आणि रवा आणि तांदळाच्या पिठाच्या मिश्रणात घोळवून हे बोंबील तळून घ्यावेत.
