लिव्हरमधील सडलेली घाण झटक्यात निघेल बाहेर; फक्त ‘ही’ ३ फळं रोज खा! फॅटी लिव्हरची समस्या राहील दूर, राहाल एकदम फिट आणि तंदुरुस्त!

पण सध्याचा असंतुलित आहार, जास्त तेलकट पदार्थ आणि बसून राहण्याची जीवनशैली यांमुळे फॅटी लिव्हर ही समस्या झपाट्याने वाढते आहे. लिव्हरवर चरबी साचू लागते आणि तो आपल्या कामात कमी पडू लागतो;पण काळजी करू नका! निसर्गात अशी काही फळं आहेत, जी तुमचं यकृत स्वच्छ, आरोग्यदायी व ताजंतवानं ठेवतात. चला जाणून घेऊया अशी ३ फळं, जी यकृतातील घाण बाहेर काढून फॅटी लिव्हरला दूर ठेवतात.

१. आंबट फळं

किवी, लिंबू, संत्रं व मोसंबी ही फळं फक्त चवीला नाही, तर आरोग्यासाठीही वरदान आहेत. या फळांमध्ये व्हिटॅमिन सी आणि शक्तिशाली प्रतिऑक्सिडंट्स मुबलक प्रमाणात असतात. हे घटक शरीरातील विषारी पदार्थ बाहेर काढतात आणि यकृताचं संरक्षण करतात. नियमितपणे आंबट फळांचं सेवन केल्यास यकृताची सूज कमी होते, चरबी साचत नाही आणि पचनक्रिया अधिक प्रभावी बनते. सकाळी एक ग्लास कोमट पाण्यात लिंबाचा रस मिसळून प्यायल्यास यकृत डिटॉक्स होण्यास मोठी मदत होते.

२. दररोज एक सफरचंद

‘दररोज एक सफरचंद, डॉक्टरपासून दूर ठेवतं!’ हे वाक्य ऐकलंच असेल. कारण- सफरचंद हे पोषक तत्वांचा खजिना आहे. सफरचंदात पेक्टिन नावाचा विद्राव्य तंतू असतो, जो शरीरातील अपायकारक घटक शोषून घेतो आणि पचनमार्गातून बाहेर टाकतो. त्यामुळे यकृतावरचा ताण कमी होतो. दररोज एक सफरचंद खाल्ल्यास लिव्हरमध्ये चरबी साचण्याचं प्रमाण कमी होतं आणि यकृत कार्यक्षम राहतं.

३. बेरी फळं

ब्लूबेरी, स्ट्रॉबेरी, रास्पबेरी, ब्लॅकबेरी ही सर्व फळं प्रतिऑक्सिडंट्सचं भांडार आहेत. विशेषतः ब्लूबेरी आणि क्रॅनबेरीमध्ये आढळणारा अँथोसायनिन हा घटक यकृताच्या पेशींचं नुकसान टाळतो आणि सूज कमी करतो. दररोज मूठभर बेरी खाल्ल्यास लिव्हरमधील ऑक्सिडेटिव्ह ताण कमी होतो आणि ते अधिक निरोगी राहतं.

थोडक्यात सांगायचं तर…

निरोगी यकृत म्हणजे निरोगी शरीर. त्यामुळे आपल्या दैनंदिन आहारात ही तीन आंबट फळं, सफरचंद आणि बेरी नक्की समाविष्ट करा. ही फळं तुमचं यकृत स्वच्छ ठेवतील, शरीरातील विषारी पदार्थ बाहेर टाकतील आणि फॅटी लिव्हरचा धोका दूर करतील. निसर्गातली ही साधी फळं तुमचं आयुष्य हलकं, निरोगी आणि ताजंतवानं ठेवण्याचं गुपित आहेत.

(अस्वीकरण : हा लेख केवळ सर्वसाधारण माहितीपर असून, वैद्यकीय सल्ल्याला पर्याय नाही. कोणताही आरोग्यविषयक निर्णय घेण्यापूर्वी तज्ज्ञांचा सल्ला घ्या.)