Relationship Tips : नवरा-बायको असो किंवा बॉयफ्रेंड-गर्लफ्रेंडचे नाते असो जर नात्यात तुम्हाला एकटेपणा जाणवत असेल तर ही चिंतेची बाब आहे. अनेकदा नात्यात सर्व सुरळीत सुरू आहे, असं वाटतं पण प्रत्यक्षात मात्र तुम्हाला एकटेपणा जाणवू शकतो. अनेकदा जरी तुमचा जोडीदार तुमच्या बरोबर असेल तरीसुद्धा शारिरीक आणि मानसिकदृष्ट्या तुम्हाला एकटेपणा जाणवू शकतो. यामागील नेमके कारण काय आहे, हे जाणून घेणे गरजेचे आहे कारण एकटेपणा अनेकदा मानसिक आरोग्यावर परिणाम करतो. आज आपण त्याविषयीच सविस्तर जाणून घेऊ या. वेगवेगळी आवड नात्यात एकटेपणा जाणवणे, यामागील एक कारण म्हणजे वेगवेगळी आवड. जर तुमच्या जोडीदाराची आवड तुमच्यापेक्षा वेगळी असेल तर तुम्हाला वाटू शकते की तुमचा जोडीदार नेहमी त्याच्या कामात मग्न असतो. अशावेळी दोघांनीही एकमेकांच्या आवडी-निवडी जपायला हव्यात. एकमेकांना आवडणाऱ्या गोष्टींचा आदर करायला पाहिजे. हेही वाचा : Spinach : तुम्ही हिरवा पालक खाता की लाल? जाणून घ्या कोणती पालक भाजी सर्वांत जास्त फायदेशीर? भावनिक नातं कोणतेही नातं जर भावनिक दृष्ट्या परिपक्व नसेल तर नातं तुटायला वेळ लागत नाही आणि अशात एकटेपणा जाणवू शकतो. त्यामुळे जोडीदाराबरोबर भावनिक नाते असणे, तितकेच गरजेचे आहे ज्यामुळे तुमचे नाते अधिकाअधिक घट्ट होऊ शकते. खूप जास्त अपेक्षा नात्यात खूप जास्त अपेक्षा कधीही ठेवू नये. कारण एकमेकांकडून खूप जास्त अपेक्षा असेल आणि त्या अपेक्षा जोडीदाराने पूर्ण केल्या नाही तर मतभेद होऊ शकतात आणि एवढंच काय तर नातं तुटूही शकते. जेव्हा जोडीदार मनाप्रमाणे वागत नाही तेव्हा एकटे वाटणे खूप साहजिक आहे त्यामुळे जोडीदाराकडून कधीही खूप जास्त अपेक्षा ठेवू नये. (टीप : वरील लेख हा प्राप्त माहितीवर आधारित आहे)
