News Flash

राज्यस्तरीय नगरोत्थान योजना शिर्डीतील रस्त्यांसाठी २१ कोटी मंजूर

महाराष्ट्र सुवर्णजयंती नगरोत्थान महाअभियान योजनेंतर्गत शिर्डी शहरातील २५ रस्त्यांसाठी २१ कोटी ३० लाख रुपयांचा निधी मंजूर झाल्याची माहिती कृषिमंत्री राधाकृष्ण विखे यांनी दिली.

| August 29, 2014 02:39 am

महाराष्ट्र सुवर्णजयंती नगरोत्थान महाअभियान योजनेंतर्गत शिर्डी शहरातील एकूण ३० किलोमीटर लांबीच्या २५ रस्त्यांसाठी २१ कोटी ३० लाख रुपयांचा निधी मंजूर झाल्याची माहिती कृषिमंत्री राधाकृष्ण विखे यांनी दिली.
शिर्डी शहरातील रस्त्यांसाठी निधी उपलब्ध व्हावा यासाठी राज्य सरकारकडे प्रस्ताव सादर करण्यात आला होता. राज्याच्या नगरोत्थान योजनेतून ही कामे हाती घेण्यात आली आहेत. त्यात शहरातील २५ रस्त्यांचा समावेश आहे. यातील नगरपंचायतीच्या हिश्श्याची रक्कम श्री साईबाबा संस्थानमार्फत उपलब्ध होणार असल्याचे विखे यांनी सांगितले.
या रस्त्यांमुळे शिर्डीतील दळणवळणाचा मोठा प्रश्न सुटेल. अंतर्गत रहदारी बाह्य़मार्गाने जाणार असल्याने शहरांतर्गत रहदारी कमी होण्यास मोठी मदत होईल. सन २०१८ मध्ये साईबाबांच्या समाधीस १०० वर्षे पूर्ण होत आहेत. या पाश्र्वभूमीवर शिर्डीच्या विकासाला राज्य आणि केंद्र सरकारच्या माध्यमातून भरीव निधी उपलब्ध करुन घेण्यासाठी विविध प्रस्ताव सादर करण्यात आले आहेत. शहराच्या विकासासाठी शासनाच्या योजनांमधून विविध विकासकामे यापूर्वीही मार्गी लावली आहेत. शहरात येणाऱ्या भाविकांची संख्या लक्षात घेऊन शहरातील रस्ते चांगल्या पद्धतीने व्हावेत असा प्रयत्न आहे, असे विखे यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 29, 2014 2:39 am

Web Title: 21 cr sanctioned for roads in shirdi
Next Stories
1 नगरला दोन इंच पाऊस
2 मुख्यमंत्र्यांच्या कोल्हापूर दौऱ्यात आश्वासनापेक्षा उपेक्षा वाटय़ाला
3 लग्नात मानपान न झाल्याने नवविवाहितेचा जाळून खून
Just Now!
X