06 March 2021

News Flash

भय्यू महाराजांच्या मोबाइलमुळे होणार आत्महत्येचा उलगडा?

पोलिसांनी त्यांच्या मोबाइलवरचे कॉल रेकॉर्ड तपासले आहेत अशी माहिती आता समोर आली आहे

अध्यात्मिक गुरु भय्युजी महाराज

अध्यात्मिक गुरु भय्यूजी महाराज यांच्या आत्महत्या प्रकरणी आता त्यांचा मोबाइल तपासला जाणार आहे. मोबाइलमधील सीडीआर अर्थात कॉल डिटेल रेकॉर्ड तपासण्यात आले असून त्याआधारे त्यांच्या आत्महत्येचे कारण समजण्याची शक्यता वर्तवण्यात येते आहे. त्यामुळे भय्यू महाराजांचा मोबाइल हा त्यांचे आत्महत्येचे कारण शोधण्यामागचा महत्त्वाचा दुवा ठरणार आहे.

भय्यू महाराज यांना जे फोन कॉल्स आले त्याच्या सीडीआरवरून तपास सुरु आहे. सीडीआरमध्ये ज्या लोकांनी भय्यू महाराजांशी संवाद साधला आहे, त्यांची माहिती गोळा करण्यात आली आहे. या माहितीच्या आधारे त्यांच्या इतर काही सेवकांचीही चौकशी करण्यात आली आहे.

काय आहे प्रकरण?
पन्नास वर्षांच्या भय्यू महाराजांनी १२ जून २०१८ ला त्यांच्या निवासस्थानी स्वतःवर गोळ्या झाडून घेत आत्महत्या केली. हे आत्महत्येचं प्रकरण आहे असं समजून पोलिसांनी प्राथमिक चौकशीनंतर प्रकरण बंद करण्याची तयारी केली होती. मात्र, त्यांचा ड्रायव्हर कैलास पाटील उर्फ भाऊ याला निवेश बडजात्या या वकिलांकडे पाच कोटींची खंडणी मागितल्या प्रकरणी पोलिसांनी अटक केली. त्याने चौकशीत अनेक गौप्यस्फोट केले. आश्रमातले काही लोक महाराजांना ब्लॅकमेल करत होते, अशी माहिती त्याने पोलिसांना दिली होती.त्यानंतर भय्यूजींचा सेवक पोलिसांसमोर हजर झाल्यामुळे प्रकरणाला नवं वळण मिळालं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 31, 2018 7:24 pm

Web Title: bhaiyyu maharaj suicide case police cdr investigation
Next Stories
1 ५२ वर्षीय सावत्र बापाकडून अल्पवयीन मुलीवर बलात्कार
2 भाजपा-राष्ट्रवादीचे लफडे जुनेच, उद्धव ठाकरेंची टीका
3 धुळे महापालिकेत भाजपाचा महापौर, काँग्रेस राष्ट्रवादीच्या उमेदवाराची माघार
Just Now!
X