27 January 2021

News Flash

पाच एकर उसाचा फड पेटवला, चार शार्पशूटर लावले…तरीही चकवा देत नरभक्षक बिबट्या फरार

सोलापूर जिल्ह्यातील करमाळा भागात बिबट्याला पकडण्यासाठी वन-विभागाचे प्रयत्न

सोलापूर जिल्ह्यातील करमाळा तालुक्यात सहा दिवसांत तीन जणांचे बळी घेणाऱ्या नरभक्षक बिबट्याला पकडण्याचे वनविभागाचे सर्व प्रयत्न फोल ठरले आहेत. गेल्या काही दिवसांत बिबट्याकडून होणाऱ्या हल्ल्यांमध्ये वाढ झाल्यामुळे वनविभागाने या नरभक्षक बिबट्याला एकतर जिवंत पकडण्याचे किंवा ठार मारण्याचे आदेश दिले आहेत. बिबट्याला पकडण्यासाठीच सोमवारी चिखलठाण परिसरातील पाच एकर उसाचा फड पेटवून देण्यात आला.

इतकच नव्हे तर बिबट्या पळून जाऊ नये यासाठी शेताच्या चारही बाजूंना शार्पशूटर तैनात करण्यात आले. पण इतकी जय्यत तयारी केल्यानंतरही उस पेटवून देताच बिबट्याने शेजारी असलेल्या केळीच्या झाडांमधून शेजारील गावाच्या दिशेने पळ काढला. सोमवारी सकाळी साडेअकरा वाजल्याच्या दरम्यान बिबट्याने उसतोड कामगाराच्या मुलीवर हल्ला केला, ज्यात तिचा मृत्यू झाला.

गेल्या काही दिवसांपासून बिबट्याचं वास्तव्य हे उजनी पट्ट्यात होतं. या भागात उस आणि केळीचं मोठ्या प्रमाणात पिक घेतलं जातं, ज्यामुळे गर्द झाडीत लपलेल्या बिबट्याचा शोध घेणं सोपं राहत नाही. सोमवारी, चिखलठाण येथील उसाच्या शेतात बिबट्या लपून बसल्याची माहिती मिळतात वनविभागाने त्याला पकडण्यासाठी सापळा लावला होता. परंतू बिबट्याने या सर्वांना चकवा देत पळ काढल्यामुळे स्थानिकांनी संताप व्यक्त केला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 7, 2020 9:14 pm

Web Title: forest officials burn 5 acre sugarcane field deploy 4 sharp shooters still leopard manage to run in solapur district psd 91
Next Stories
1 महाराष्ट्रात दिवसभरात ७ हजारांपेक्षा जास्त रुग्णांना डिस्चार्ज, रिकव्हरी रेट ९३ टक्क्यांवर
2 “आम्ही येणार म्हणणारे फडणवीस सत्तेकडे आशाळभूतपणे पाहात आहेत”
3 दल बदलू कार्यक्रम सुरूच; जुन्या भूमिकेची आठवण करून देत शेलारांनी शिवसेनेवर डागला ‘बाण’
Just Now!
X