जळगावमधील नशिराबादजवळ दोन कारचा भीषण अपघात झाला असून या अपघातात चार जणांचा घटनास्थळीच मृत्यू झाला. तर पाच जण या अपघातात जखमी झाले आहेत. जखमींवर जिल्हा रुग्णालयात उपचार सुरु आहेत. राष्ट्रीय महामार्गावर नशिराबादजवळ बुधवारी रात्री उशिरा काझी पेट्रोल पंपाजवळ दोन कारचा भीषण अपघात झाला. भरधाव कारने समोरुन येणाऱ्या कारला धडक दिली. ही टक्कर इतकी भीषण होती की कारमधील चार जणांचा घटनास्थळीच मृत्यू झाला. जखमींमध्ये प्रिन्स अग्रवाल याचा समावेश आहे. मृतांची नावे अद्याप समजू शकलेली नाहीत.
