News Flash

रत्नागिरी रुग्णालयात प्राणवायू वाहिनीचा स्फोट 

हा प्रकार लक्षात येताच ही वाहिनी तातडीने बदलण्यात आली.

येथील जिल्हा शासकीय रुग्णालयातील प्राणवायू वाहिनी स्फोट होऊन निकामी झाली. हा प्रकार लक्षात येताच ही वाहिनी तातडीने बदलण्यात आली. या दुर्घटनेत कुणीही जखमी झाले नाही.

जिल्हा शासकीय रुग्णालयातील पुरुष उपचार विभागात सध्या करोना रुग्णांवर उपचार सुरू आहेत. प्रकृती गंभीर असलेल्या रुग्णांना प्राणवायूची आवश्यकता भासते. त्यांना तो वाहिनीद्वारे खाटेपर्यंत पुरवला जातो. ही वाहिनी खराब झाल्याने कमी तीव्रेतेचा स्फोट होऊन फुटली. यावेळी झालेल्या आवाजाने रुग्णांमध्ये घबराट निर्माण झाली. मात्र रुग्णालयाच्या प्रशासनाने तात्काळ त्या रुग्णांना पर्यायी नलिकेतून पुरवठा सुरू केला. खराब झालेली वाहिनी रात्रीच बदलून नवीन टाकण्यात आली आहे. त्यामुळे प्राणवायूचा पुरवठा पूर्ववत झाला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 24, 2021 12:28 am

Web Title: oxygen duct explosion at ratnagiri hospital abn 97
Next Stories
1 करोनाबाधितांच्या दरात वाढ
2 पालघर स्मशानभूमीतील शवदाहिन्यांची दुरवस्था
3 लसीकरण आज पूर्णत: बंद
Just Now!
X