उकळते दूध अंगावर पडल्याने एक वर्षाच्या मुलीचा मृत्यू झाल्याची दुर्दैवी घटना घडली आहे. पुण्यातील धायरी परिसरात ही घटना घडली. भार्गवी अक्षय कुलकर्णी (वय - 1 वर्ष,रायकर मळा, धायरी) असे मृत्यूमुखी पडलेल्या मुलीचं नाव आहे. पोलिसांनी दिलेल्या माहितीनुसार, चार दिवसांपूर्वी भार्गवी घरामध्ये खेळत असताना तिच्या अंगावर उकळतं दूध पडलं. त्यानंतर तिला तातडीने रुग्णालयामध्ये दाखल करण्यात आले होते. पण तिच्यावर उपचार सुरू असतानाच आज सकाळच्या सुमारास तिचा मृत्यू झाल्याची घटना घडली. भार्गवीच्या मृत्यूमुळे परिसरात सर्वत्र हळहळ व्यक्त करण्यात येत आहे.
