06 July 2020

News Flash

अमरावतीत राज ठाकरेंची नितीन गडकरींशी भेट नाही

विधानसभा निवडणुकीच्या प्रचारासाठी अमरावतीमध्ये दाखल झालेले मनसे अध्यक्ष राज ठाकरे यांची केंद्रीय मंत्री आणि भाजप नेते नितीन गडकरी यांच्याशी भेट झालेली नसल्याची माहिती मिळाली आहे.

| September 30, 2014 12:43 pm

विधानसभा निवडणुकीच्या प्रचारासाठी अमरावतीमध्ये दाखल झालेले मनसे अध्यक्ष राज ठाकरे यांची केंद्रीय मंत्री आणि भाजप नेते नितीन गडकरी यांच्याशी भेट झालेली नसल्याची माहिती मिळाली आहे.
राज ठाकरे आजपासून विदर्भ आणि मराठवाड्यामध्ये प्रचारसभा घेणार आहेत. सोमवारी संध्याकाळी रेल्वेने ते मुंबईहून अमरावतीकडे रवाना झाले. मंगळवारी सकाळी अमरावतीमध्ये पोहोचल्यावर राज ठाकरे ज्या हॉटेलमध्ये उतरले होते. तिथेच नितीन गडकरीही आधीपासून थांबलेले होते. त्यामुळे काही वृत्तवाहिन्यांनी राज ठाकरे आणि नितीन गडकरी यांची हॉटेलमध्ये भेट झाल्याचे वृत्त प्रसारित केले. मात्र, राज ठाकरे हॉटेलवर दाखल होण्यापूर्वीच नितीन गडकरी हॉटेलवरून पूर्वनियोजित कार्यक्रमासाठी अमरावतीमधील भाजप नेते जगदीश गुप्ता यांच्या निवासस्थानी गेले होते. त्यामुळे त्यांची हॉटेलमध्ये राज ठाकरे यांच्याशी भेट झालेली नाही.
राज ठाकरे मंगळवारी दुपारी अमरावतीमध्ये जाहीर सभा घेणार आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 30, 2014 12:43 pm

Web Title: raj thackeray did not meet nitin gadkari
Next Stories
1 चंद्रपूर जिल्ह्य़ात पैसा, दारूच्या गैरवापरावर तिसऱ्या डोळ्याची नजर
2 वर्धा जिल्हा शेतकरी आत्महत्याग्रस्त पण उमेदवार मात्र करोडपती शेतकरी
3 मतदारसंघ बदलण्याचा प्रयोग काँग्रेसवर उलटण्याची शक्यता
Just Now!
X